site
stats
سندھ

کراچی میں ٹریفک پولیس کی ٹارگٹ کلنگ جاری، اہلکارسمیت 6 افراد جاں بحق

کراچی: شہرِقائد میں ٹریفک پولیس اہلکارایک بار پھرنشانے آگئے ایک اہلکارٹارگٹ کلنگ میں شہید ہوگیا۔

تفصیلات کے مطابق کراچی کے علاقے ملیرمیں نامعلوم افراد نے ایک ٹریفک پولیس اہلکارپراندھا دھند فائرنگ کردی جس کے نتیجے میں وہ زخموں کی تاب نہ لاتے ہوئے جاں بحق ہوگیا۔

پولیس نے جائے وقوعہ پر پہنچ کر واقعے کی تفتیش شروع کردی ہے اور موقع پر موجود شواہد کو قبضے میں لے لیا ہے۔

ٹریفک اہلکار کی شناخت اے آئی ایس آئی ذوالفقار کے نام سے ہوئی ہے، شہید پولیس اہلکار کی میت اسپتال منتقل کردی ہے۔

واضح رہے کہ شہرِ قائد میں ٹریفک پولیس اہلکاروں کو گھات لگا کر نشانہ بنانے کا مذموم عمل جاری ہے اور اب تک اس قسم کی وارداتوں میں 4 پولیس اہلکار شہید اور آٹھ زخمی ہوچکے ہیں۔

حکومت کی جانب سے ٹریفک پولیس اہلکاروں کی حفاظت کے لئے کئے گئے اقدامات کے تحت انہیں اسلحہ فراہم کیا گیا تھا اور رینجرز کو بھی بھاری ٹریفک والے علاقوں میں ٹریفک پولیس اہلکاروں کو سیکیورٹی فراہم کرنے کا کہا گیا ہے۔

اس کے علاوہ شہرکے مختلف علاقوں میں ہونے والے ٹارگٹ کلنگ کے مختلف واقعات میں مزید پانچ افراد اپنی جان کی بازی ہارگئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top