The news is by your side.

Advertisement

کورونا میں مبتلا معروف عالم دین مولانا طارق جمیل کی صحت کے حوالے سے اہم خبر آگئی

اسلام آباد : معروف عالم دین مولانا طارق جمیل کا کورونا ٹیسٹ نیگیٹو آگیا ہے، انھوں نے مکمل صحتیابی کےلئے مزید دعاؤں کی اپیل کی ہے۔

تفصیلات کے مطابق معروف عالم دین مولانا طارق جمیل نے سماجی رابطے کی ویب سائٹ ٹوئٹر پر اپنے پیغام میں تصدیق کی ہے کہ آپ سب مٌحبین کی دعاؤں سےمیراکوروناٹیسٹ نیگیٹوآگیاہے، مکمل صحتیابی کےلئے ابھی مزید آپ سب کی دعاؤں کا محتاج ہوں، اللہ کریم اپنی رحمت سےاس وبا سے انسانیت کو خلاصی نصیب فرمائیں۔

یاد رہے 13 دسمبر کو معروف عالم دین مولانا طارق جمیل نے سوشل میڈیا پر پیغام میں کہا تھا کہ گزشتہ کچھ ایام سے طبیعت ناساز تھی جس کے باعث انہوں نے کرونا ٹیسٹ کرایا ، جس کا نتیجہ مثبت آگیا ہے، اطبّاء کے مشورے سے اسپتال میں داخل ہو گیا ہوں، تمام محبین سے خصوصی دعاؤں کی درخواست ہے۔

بعد ازاں وزیراعظم عمران خان اور وزیراعلیٰ پنجاب نے معروف عالم دین کی جلد صحت یابی کے لئے دعا کی ۔

Comments

یہ بھی پڑھیں