اسلام آباد: وفاقی وزیر ریلوے شیخ رشید کی ہدایت پر پاکستان ریلوے کے فریٹ پر ٹاسک فورس تشکیل دے دی گئی۔ ٹاسک فورس کا مقصد فریٹ کو بہتر بنانا ہے۔
تفصیلات کے مطابق ترجمان ریلوے کا کہنا ہے کہ پاکستان ریلوے نے فریٹ پر ٹاسک فورس تشکیل دے دی، ٹاسک فورس وزیر ریلوے شیخ رشید کی ہدایت پر تشکیل دی گئی ہے۔
ترجمان کا کہنا تھا کہ ٹاسک فورس 9 افسران پر مشتمل ہوگی۔ سی ای او ریلوے آفتاب اکبر ٹاسک فورس کے سربراہ ہوں گے۔
ترجمان کے مطابق ٹاسک فورس کا مقصد فریٹ کو بہتر بنانا ہے، فریٹ کو بڑھانے کے لیے خاص اقدامات کیے جائیں گے۔
ترجمان ریلوے کا مزید کہنا تھا کہ فریٹ کو بڑھا کر ریلوے کے خسارے کو ختم کیا جائے گا۔
خیال رہے وزیر ریلوے شیخ رشید کئی بار فریٹ کو بڑھانے کا عندیہ دے چکے ہیں۔
ان کا کہنا ہے کہ 5 کروڑ مسافروں کی تعداد کو 7 کروڑ تک لے کر جائیں گے، 10 فریٹ کی تعداد 100 دنوں میں 10 سے 15 پر لے کر جائیں گے۔
ان کا کہنا تھا کہ فریٹ کی تعداد بڑھانے سے متعلق معاہدے ہو گئے ہیں۔
