The news is by your side.

‘لندن کی جیلیں نواز شریف، شہباز شریف اور مریم نواز کا انتظار کر رہی ہیں، انھوں نے ارشد شریف کو قتل کرایا’

لندن : مسلم لیگ ن کے ترجمان لندن ہونے کے دعویدار تسنیم حیدر کا کہنا ہے لندن کی جیلیں نواز شریف، شہباز شریف اور مریم نواز کا انتظار کر رہی ہیں، ان لوگوں نے ارشد شریف کو قتل کرایا۔

تفصیلات کے مطابق مسلم لیگ ن کے ترجمان لندن ہونے کے دعویدار تسنیم حیدر نے کہا ہے کہ اپنے بیان پر پوری طرح قائم ہوں، پاکستان میں ایف آئی اے کو ویڈیو لنک کے ذریعے بیان ریکارڈ کراؤں گا۔

تسنیم حیدر شاہ کا کہنا تھا کہ لندن کی جیلیں نواز شریف، شہباز شریف اور مریم نواز کا انتظار کر رہی ہیں، ان لوگوں نے ارشد شریف کو قتل کرایا، انہیں بھاگنے نہیں دیں گے۔

اس سے قبل مسلم لیگ ن کے ترجمان لندن ہونے کے دعویدار تسنیم حیدر نے ارشد شریف قتل کیس میں طلبی کا نوٹس موصول ہونے کی تصدیق کی تھی۔

تسنیم حیدر شاہ کا کہنا تھا کہ ایف آئی اے کا نوٹس اپنے وکیل کو بھیج دیا ہے، وکیل کے مشورے کے مطابق بیان ریکارڈ کرانے کو تیار ہوں۔

ن لیگی ترجمان نے کہا تھا کہ مقدمات کے سبب پاکستان نہیں جا سکتا، میرے وکیل نے مشورہ دیا تو پاکستان جانے کو بھی تیار ہوں۔

ان کا کہنا تھا کہ وکیل نے کہا ہے میرے دفتر یا ہائی کمیشن میں بیان ریکارڈ کرانے کا بندوبست کروں گا، میں ارشدشریف قتل،عمران خان پر حملے سے متعلق بیانات پرقائم ہوں۔

Comments

یہ بھی پڑھیں