کراچی : شارجہ کے میدان میں بھارت کیخلاف تاریخی چھکا لگانے کیلئے جاوید میانداد کو بیٹنگ کا موقع دینے والے سابق کرکٹر توصیف احمد نے اپنی زندگی کے رازوں سے پردہ اٹھا دیا۔
پاکستان قومی ٹیم کے سابق کرکٹر توصیف احمد جنہوں نے سال1980ء سے1993ء تک 36 ٹیسٹ اور70ایک روزہ بین الاقوامی میچز کھیلے۔
اے آر وائی نیوز کے پروگرام ہمارے مہمان میں گفتگو کرتے ہوئے روصیف احمد اپنے ماضی کا ذکر کرتے ہوئے آبدیدہ ہوگئے انہوں نے اپنے والد کی محنت اور قربانیوں کا ذکر کیا۔
توصیف احمد نے کہا کہ ہم تین بھائی تھے جب میں چار سال کا تھا تو میری والدہ کا انتقال ہوگیا، ہمارے والد نے ہمیں بہت محنت اور مشقت سے پالا اور ہمارے بہتر مستقبل کی خاطر دوسری شادی بھی نہیں کی۔
انہوں نے بتایا کہ میرے والد کمپاؤنڈر تھے اور اتوار کی چھٹی کے دن لوگوں کے گھروں پر انجکشن لگانے جایا کرتے تھے جس کے انہیں فی انکٓجکشن ایک روپیہ ملا کرتا تھا۔ جب وہ گھر آتے تھے تو ہم بھائی مل کر ان نوٹوں کو ترتیب سے رکھا کرتے تھے۔
ایک سوال کے جواب میں ان کا کہنا تھا کہ میری کامیابی پر وہ بہت خوش تھے ہر موقع پر میرا ساتھ دیا لیکن انہوں نے کبھی ایسا محسوس نہیں ہونے دیا، آج میں جو کچھ بھی ہوں اپنے والد کی وجہ سے ہوں۔
