تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

سعودی عرب : توکلنا ایپ صارفین کیلئے نئی ہدایت جاری

ریاض : سعودی حکام نے توکلنا ایپ کی رجسٹریشن میں کوائف کے اندراج سے متعلق شہریوں کو ہدایت دیتے ہوئے کہا ہے کہ اس کے بغیر رجسٹریشن کا حصول مشکل ہوگا۔

سعودی حکام نے صارفین کی سہولت کے لیے توکلنا ایپ میں رجسٹریشن کے لیے کوائف اندراج کرنے کا طریقہ بھی بتادیا۔ سعودی خبر رساں ادارے کی رپورٹ کے مطابق شہریوں کی صحت سے متعلق بتانے والی توکلنا ایپ انتظامیہ نے کہا ہے کہ توکلنا ایپ میں رجسٹریشن کے لیے کوائف کا اندراج ہونا بہت ضروری ہے۔

ایپ انتظامیہ کا کہنا ہے کہ توکلنا رجسٹریشن کے لیے اقامہ یا شناختی کارڈ نمبر اور پاس ورڈ ضروری ہے اور پاس ورڈ الگ استعمال کیا جانا چاہیے، کسی دوسری ایپلی کیشن کا پاس ورڈ توکلنا میں استعمال نہ کیا جائے۔

توکلنا میں رجسٹریشن کے لیے ابشر اکاؤنٹ ضروری ہے، جس کے پاس ابشر اکاؤنٹ نہیں ہے وہ کسی ایسے شخص کی مدد لے جس کے پاس ابشر اکاؤنٹ ہو۔

ایپ انتظامیہ کے مطابق کوائف میں تاریخ پیدائش، گھر کا پتہ، ابشر میں رجسٹرڈ موبائل نمبر، زیر کفالت افراد کا تعین، ملازمین کا تعین اور سوال کا درست جواب ضروری ہے۔

اس کے علاوہ توکلنا ایپ میں گھر کے تمام افراد رجسٹریشن کرسکتے ہیں خواہ وہ سربراہ خاندان ہو یا زیر کفالت۔ 15سال سے کم افراد بھی توکلنا میں رجسٹریشن کرسکتے ہیں اور جن لوگوں کے پاس شہری دستاویزات نہیں ہیں وہ خاندان کے رجسٹری پر توکلنا میں اپنا اندراج کرسکتے ہیں۔

واضح رہے کہ سعودی شہروں میں کورونا احتیاطی تدابیر کے حوالے سے لوگوں کو ہدایات جاری کی گئی تھیں کہ وہ اپنے موبائل فونز پرتوکلنا ایپ انسٹال کریں جس کے ذریعے صارف کی صحت کے بارے میں اہم معلومات اپ لوڈ کی جاتی ہیں تاکہ اس سے یہ معلوم ہو سکے کہ اکاؤنٹ ہولڈر کرونا وائرس میں مبتلا تو نہیں ہے۔

خیال رہے کہ حالیہ دنوں سعودی عرب کے سرکاری و نجی اداروں نے توکلنا ایپ دکھائے بغیر بازاروں اور پبلک مقامات میں داخلے پر بھی پابندی لگادی ہے جس کے باعث بہت سے لوگ توکلنا ایپ ڈاؤن لوڈ کر رہے ہیں۔

Comments

- Advertisement -