توانائی منصوبوں کے معیارپرکوئی سمجھوتہ نہ کیا جائے، نواز شریف -
The news is by your side.

Advertisement

توانائی منصوبوں کے معیارپرکوئی سمجھوتہ نہ کیا جائے، نواز شریف

اسلام آباد : وزیراعظم نواز شریف نے کہا ہے کہ توانائی کے منصوبوں کے معیارپرکوئی سمجھوتہ نہ کیا جائے اور توانائی کے منصوبے مقررہ وقت میں مکمل کئے جائیں۔

ان خیالات کا اظہار انہوں نے کابینہ کمیٹی برائے توانائی کے اجلاس سے خطاب کرتے ہوئے کیا۔ دوران اجلاس توانائی منصوبوں اور پاک چین اقتصادی راہداری سے متعلق پیشرفت کا جائزہ لیا گیا،۔

اجلاس میں وزیراعظم کو توانائی کے مختلف منصوبوں سے متعلق بریفنگ بھی دی گئی۔ اجلاس سے خطاب کرتے ہوئے وزیراعظم کاکہناتھا کہ منصوبوں کی بروقت تکمیل کیلئے اداروں کے مابین تعاون کومربوط بنایا جائے۔

ذرائع کے مطابق وزیر اعظم نواز شریف این اے 122 میں ضمنی انتخابات کے نتائج پر مطمئن نہیں ہیں،۔

اس موقع پر انہوں نے ضمنی انتخابات میں ناقص کارکردگی کے اسباب تلاش کرنے کی ہدایت کرتے ہوئے این اے 122میں سخت مقابلے کی وجوہات کی رپورٹ طلب کی ہے ۔انہوں نے آئندہ انتخابات کیلئے مناسب امیدواروں کے چناﺅکی بھی ہدایت کی ہے۔

اپنے خطاب میں انھوں نے کہا کہ چین پاکستان کاعظیم دوست ہے۔ چین کے تعاون سے توانائی بحران پرقابو پانے میں مددملے گی۔

وزیراعظم نے کہا کہ حکومتی اقدامات سے توانائی کے بحران پرجلد قابوپالیا جائے گا۔اجلاس میں پاک چین اقتصادی راہداری سے متعلق منصوبوں پربھی غورکیاگیا۔

Comments

comments

یہ بھی پڑھیں