The news is by your side.

Advertisement

ٹیکس ایمنسٹی اسکیم: 102 ارب روپے کے ٹیکس وصول

اسلام آباد: وزارتِ خزانہ کا کہنا ہے کہ ٹیکس ایمنسٹی اسکیم میں تقریباً 102 ارب روپے کے ٹیکس وصول کر لیے گئے ہیں۔

تفصیلات کے مطابق حکومت کی طرف سے جاری کردہ ٹیکس ایمنسٹی اسکیم میں اب تک 55 ہزار 225 ڈکلیریشن فائل کیے گئے ہیں۔

ذرائع وزارتِ خزانہ کا کہنا ہے کہ ظاہر کیے گئے غیر ملکی اثاثوں کی مالیت 577 ارب روپے ہے، پاکستان میں 1200 ارب روپے مالیت کے اثاثے ظاہر کیے گئے۔

پاکستان کے اندر اثاثوں پر 61 ارب روپے ٹیکس وصول کیا گیا، ذرائع کے مطابق غیر ملکی اثاثوں پر 41 ارب روپے ٹیکس وصول کیا گیا۔

خیال رہے کہ ملک کے ٹیکس چوروں اور چوری کے پیسے سے بیرون ملک اثاثے بنانے والوں کو گزشتہ حکومت کی جانب سے ٹیکس ایمنسٹی اسکیم کے تحت موقع دیا گیا تھا کہ وہ اپنے اثاثوں پر ٹیکس ادا کردیں۔

ٹیکس ایمنسٹی اسکیم کےتحت اب تک 50 ارب روپے وصول ہوئے‘ علی ظفر


ٹیکس ایمنسٹی اسکیم کے روح رواں سابق مشیر برائے خزانہ مفتاح اسماعیل تھے، اسکیم کے لیے ایوان ہائے تجارت وصنعت، ایسوسی ایشن بلڈرز اینڈ ڈویلپرز اور دیگر تجارتی انجمنیں مطالبہ کرتی آرہی ہیں۔

یکم جولائی 2018 کو صدر مملکت ممنون حسین نے ٹیکس ایمنسٹی اسکیم میں 31 دن کی توسیع کے آرڈیننس پر دستخط کیے تھے، اس کے تحت صارفین مقررہ تاریخ تک ایف بی آر کو ذرائع آمدن ظاہر کیے بغیر اثاثے ظاہر کرسکتے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں