The news is by your side.

Advertisement

ٹیکس ایمنسٹی کالے دھن کو سفید کرنے کی اسکیم ہے، عمران خان

اسلام آباد : پاکستان تحریک انصاف کے چیئرمین عمران خان نے کہا ہے کہ موجودہ نظام میں کمزور کی شنوائی نہیں ہو سکتی، ٹیکس ایمنسٹی اسکیم حکمرانوں کے کالے دھن کو سفید کرنے کی اسکیم ہے۔

ان خیالات کا اظہار انہوں نے پارلیمنٹ ہاؤس کے باہر میڈیا سے گفتگو کرتے ہوئے کیا۔ عمران خان نے کہا کہ پاک چائنہ کوریڈور، ایل این جی کے بارے میں قوم کو سچ بتایا جائے اور صوبوں کے تحفظات دور کیے جائیں۔

عمران خان نے ٹیکس ایمنسٹی اسکیم کی شدید مخالفت کرتے ہوئے اسے ایمانداروں پر ٹیکس اور حکمرانوں کی ناجائز دولت اور کالے دھن کو سفید کرنے کی سکیم قرار دیا۔

عمران خان نے کہا ہے کہ وہ آج جہانگیر خان ترین کی طویل جدوجہد کے بعد انصاف ملنے پر خصوصی طور پر اجلاس میں شریک ہوئے ہیں۔

انہوں نے ملک میں انصاف کے موجودہ نظام پر عدم اطمینان کا اظہار کرتے ہوئے کہا کہ ہمارا عدالتی نظام غریب اور پڑھے لکھے افراد کو سپورٹ نہیں کرتا۔ جہانگیر خان ترین نے اڑھائی سال کی طویل اور 2کروڑ روپے کی مہنگی جدوجہد کے بعد عوام کی عدالت سے انصاف حاصل کیا۔

عمران خان نے این اے 122کے کیس میں تاخیر کو الیکشن فراڈ قرار دیااور کہا کہ جسٹس کیانی پاکستان مسلم لیگ ن کا نمائندہ ہے۔

عمران خان نے شوکت خانم ہسپتال میں افغان طالبان کے علاج سے متعلق ایک سوال کے جواب پر کہا کہ انسانوں کے علاج پر متفکر ہونے کی بجائے قوم کو بتایا جائے کہ بن لادن سے بینظیر حکومت کا تختہ الٹنے کے لیے کس نے کتنی رقم وصول کی۔ شوکت خانم ہسپتال میں رنگ، نسل ، مذہب کی تمیز کے بغیر مریضوں کا علاج کیا جاتا ہے۔

Comments

comments

یہ بھی پڑھیں