The news is by your side.

Advertisement

ٹیکس ایمنسٹی اسکیم: خاتمے میں‌ دو ہفتے باقی، ایف بی آر کامیابی کے لیے متحرک ہوگئی

ٹیکس ایمنسٹی اسکیم کے باوجود خفیہ دولت چھپانے والوں کے خلاف سخت ایکشن ہوگا: ترجمان

کراچی: ٹیکس ایمنسٹی اسکیم کی مدت ختم ہونے میں دو ہفتے رہ گئے، ایف بی آر نے اسکیم کی کامیابی کے لئے حکمت عملی وضع کر لی.

تفصیلات کے مطابق جوں جوں ٹیکس ایمنسٹی اسکیم کی مقررہ معیاد خاتمے کے قریب آرہی ہے، یہ سوال اہمیت اختیار کر گیا ہے کہ کیا اسکیم سے 4 سے 5 ارب ڈالرحاصل ہوسکیں گے، اس ضمن میں ایف بی آر اسکیم کی کامیابی کے لیے متحرک ہوگئی. 

ایف بی آر کی جانب سے ایمنسٹی اسکیم سے فائدہ اٹھانے کے میسیجز کا سلسلہ شروع کر دیا ہے، آج سے ذرایع ابلاغ پر ایمنسٹی اسکیم کے اشتہارات بھی دیے جائیں‌ گے.

ممبر ان لینڈ ریونیواینڈ پالیسی ترجمان ایف بی آر ڈاکٹر ایم اقبال کی اے آر وائی سے گفتگو کرتے ہوئے کہا کہ ٹیکس ایمنسٹی اسکیم کے باوجود خفیہ دولت چھپانے والوں کے خلاف سخت ایکشن ہوگا، اس ضمن میں‌ 10 لاکھ افراد کا ڈیٹا حاصل کرکے فہرست مرتب کرلی گئی ہے.

ترجمان ایف بی آر نے کہا کہ ایمنسٹی اسکیم کی مدت بڑھانے کی تجویز نہیں دیں گے، یاد رہے کہ ایمنسٹی اسکیم کے لئے فارم مختصر اور آسان ہے.

ماہرین کا کہنا ہے کہ نگراں حکومت آرڈیننس کے ذریعے ایمنسٹی اسکیم کی آخری تاریخ بڑھا سکتی ہے، ٹیکس ایمنسٹی اسکیم سے فائدہ اٹھانے کی آخری تاریخ 30 جون ہے.

سپریم کورٹ نے بھی ٹیکس ایمنسٹی اسکیم میں مداخلت نہ کرنے کا عندیہ دیا ہے، تجزیہ کاروں کے مطابق سپریم کورٹ کی کلیئرنس کے بعد بڑے پیمانے پر رسپانس متوقع ہے.


ٹیکس ایمنسٹی اسکیم کا معاملہ چیف جسٹس پاکستان کی صوابدید پر ہے، مفتاح اسماعیل


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں