اسلام آباد: عالمی بینک کا کہنا ہے کہ پاکستان کے ٹیکس وصولیوں کے خسارے کا حجم 32 کھرب روپے سے زائد ہوچکا ہے۔
تفصیلات کے مطابق عالمی بینک کی جانب سے جاری کی جانے والی ایک رپورٹ میں بتایا گیا ہے کہ پاکستان میں ٹیکس وصولیوں کا ہدف پورا نہیں ہورہا اور اس مد میں خسارہ تشویش ناک حد تک بڑھ چکا ہے۔
حکومت کی جانب سے ٹیکس وصولی میں اضافے کے دعووں کیے جارہے ہیں اور ایک کے بعد ایک ایمنسٹی اسکیمز جاری کی گئیں مگر سب بے سود ہیں اور ٹیکس وصولیاں تاحال صلاحیت سے کئی فیصد کم ہیں۔
ورلڈ بینک کی جانب سے جاری رپورٹ کے مطابق ٹیکس میں اس کمی کی وجہ بد انتظامی اور ٹیکس ادائیگی کا رجحان نہ ہونا ہے۔
عالمی بینک کا کہنا ہے کہ پاکستان میں ٹیکس وصولی کا تناسب معاشی شرح نمو کا 22 فیصد سے زائد ہوسکتا ہے یعنی ملک میں میں 72 کھرب روپے تک کا ٹیکس وصول کرنے کی صلاحیت ہے۔
تاہم رواں ماہ کے اختتام پر ختم ہونے والے مالی سال میں ٹیکس وصولیوں کا حجم صرف 39 کھرب روپے تک ہوگا جو کہ معاشی شرح نمو کا صرف ساڑھے 12 فیصد بنتا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
