The news is by your side.

Advertisement

بجٹ سے ٹیکس گزاروں کی تعداد میں اضافہ ہو گا: رِٹبا

اسلام آباد: راولپنڈی اسلام آباد ٹیکس بار ایسوسی ایشن (رِٹبا) کے صدر سید توقیر بخاری نے بجٹ خوش آئند قرار دیتے ہوئے کہا ہے کہ اس سے ٹیکس گزاروں کی تعداد اور حکومت کی آمدن میں اضافہ ہوگا۔

تفصیلات کےمطابق سید توقیر بخاری کا کہنا تھا کہ سیلز ٹیکس رجسٹریشن کو انتہائی سادہ بنا دیا گیا ہے جبکہ ٹیکس گزاروں کواچھی ترغیبات بھی دی گئی ہیں۔

سید توقیر بخاری نے ایک اجلاس کی صدارت کرتے ہوئے کہا کہ ملک میں بجلی کے ساڑھے تین لاکھ سے زیادہ صنعتی کنکشن موجود ہیں، جن میں سے اکثریت ٹیکس نیٹ میں نہیں ہیں جنھیں ٹیکس دھندہ بنانے کے لئے اقدامات کئے جائیں۔

انہوں نے کہا کہ اب صرف اس کاٹیج انڈسٹری کو سیلز ٹیکس سے استثنیٰ حاصل ہے جو رہائشی علاقہ میں واقع ہوں، جس سے اس اہم شعبہ پر ضرب پڑے گی۔

جون کا دوسرا ہفتہ، مہنگا ئی کی شرح میں 0.31 فیصد اضافہ

ان کا کہنا تھا کہ تاجروں کے لئے ہر رسید پر گاہکوں کا شناختی کارڈ نمبر لکھنا ناممکن ہے جبکہ اب ایف بی آر جتنی بار چاہے ٹیکس گزاروں کا آڈٹ کر سکتا ہے جس جسکا مطلب موجودہ ٹیکس گزاروں کو نچوڑنا اور نئے ٹیکس گزاروں کو تلاش نہ کرنا ہے۔

ان کا مزید کہنا تھا کہ مہنگائی میں پہلے ہی بہت زیادہ اضافہ ہو گیا ہے، اس لئے مہنگائی میں اضافہ کا سبب بننے والی بعض تجاویز واپس لی جائیں۔

Comments

comments

یہ بھی پڑھیں