site
stats
عالمی خبریں

جمائماخان کو ہراساں کرنیوالے پاکستانی نژاد ٹیکسی ڈرائیور کو سزا

لندن : پاکستان تحریک انصاف کے سربراہ عمران‌ خان کی سابقہ اہلیہ جمائما خان کو ہراساں کرنیوالے پاکستانی نژادٹیکسی ڈرائیور حسن محمود کو8ہفتے جیل کی سزا سنادی گئی۔

تفصیلات کے مطابق چیئرمین پی ٹی آئی عمران‌ خان کی سابقہ اہلیہ جمائما خان کو ہراساں کرنیوالے پاکستانی نژادٹیکسی ڈرائیور حسن محمود کو آٹھ ہفتے جیل کی سزا سنائی دی گئی جبکہ ڈرائیونگ لائسنس بھی اٹھارہ ماہ کیلئے موخر کردیا گیا ہے۔

عدالت کا کہنا ہے کہ اس دوران میں حسن نے کوئی جرم کیا تو بغیر عدالتی کارروائی کے آٹھ ہفتوں کیلئے اسے جیل بھیج دیا جائیگا۔

یاد رہے کہ 29 ستمبر کو برطانوی ٹیکسی ڈارئیور 27 سالہ محمد حسن پر جمائما کو ایک سال تک فون کالز اور میسجز کرکے ہراساں کرنے کے الزام میں فرد جرم عائد کی گئی تھی اور حسن محمود نے عدالت میں اعتراف جرم کیا تھا۔


مزید پڑھیں : ٹیکسی ڈرائیور کا جمائما کو ہراساں کرنے کا اعتراف


جج نے حسن محمود سے کہا کہ جمائما خان نے آپ کے اعتراف جرم کو قبول کیا ہے۔

حسن نے جمائما کو ہراساں کرنے کا اعتراف کرتے ہوئے بتایا تھا کہ انہیں جمائما کا نمبر اس وقت ملا جب انہوں نے ہالو سروس کے ذریعے ملزم کی ٹیکسی بک کروائی۔

خیال رہے کہ ٹیکسی ڈرائیور کی جانب سے ایک سال کے دوران جمائما کو 1182 فون کالز اور203 میسجز اور اس کے علاوہ واٹس ایپ پر بھی بے شمار پیغامات بھیجے گئے تھے۔

واضح رہے کہ جمائما سابق ارب پتی تاجر جیمز گولڈ سمتھ کی بیٹی ہیں جبکہ رکن پارلیمان زیک گولڈ سمتھ کی بہن ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top