site
stats
پاکستان

طیبہ تشدد کیس: بچی سے بغیر اجازت ملاقات پر پابندی عائد

اسلام آباد: سابق سول جج اسلام آباد کے گھر مبینہ تشدد کا شکار ہونے والی معصوم طیبہ سوئیٹ ہوم میں قیام پذیر ہے۔ ضلعی انتظامیہ نے بلا اجازت اس سے ملنے اور فوٹیج بنانے پر پابندی عائد کردی۔

اسسٹنٹ کمشنر انڈسٹریل ایریا اسلام آباد نے سول جج کے گھر تشدد کا شکار ہونے والے طیبہ پر سوئیٹ ہوم میں بغیر اجازت ملاقات پر پابندی عائد کردی۔

ان احکامات میں میڈیا کو سوئیٹ ہوم میں طیبہ کی فوٹیج اور تصاویر بنانے سے روک دیا گیا۔ احکامات میں کہا گیا ہے کہ طیبہ سے غیر مجاز افراد کی ملاقاتیں سپریم کورٹ کے حکم کی خلاف ورزی ہیں۔

جاری احکامات میں کہا گیا ہے کہ طیبہ کے قیام کے دوران سویٹ ہوم آنے والے وزیٹرز کی فہرست تیار کی جائے اور بغیر مجسٹریٹ کی اجازت کے کسی کو بھی طیبہ سے ملنے نہ دیا جائے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top