The news is by your side.

Advertisement

طیبہ کیس: پولیس چالان میں جج اوراس کی بیوی ملزم قرار

اسلام آباد : پولیس نے طیبہ تشدد کیس سے متعلق چالان عدالت میں جمع کرادیا۔ تحقیقاتی رپورٹ میں انکشاف کیا گیا کہ ننھی طیبہ پر بہیمانہ تشدد ایڈیشنل سیشن جج اور اس کی اہلیہ ماہین نے کیا تھا۔

تفصیلات کے مطابق اسلام آباد ہائیکورٹ میں طیبہ تشدد کیس کی سماعت جوڈیشل مجسٹریٹ حیدر شاہ نے کی، پولیس کی جانب سے پیش کیے گئے چالان میں ایڈیشنل سیشن جج راجا خرم اور اس کی اہلیہ ماہین ظفر ملزم قرار دیئے گئے ہیں۔

ذرائع کے مطابق تھانہ آئی نائن پولیس نے جوڈیشل مجسٹریٹ حیدر شاہ کی عدالت میں چالان جمع کرادیا۔ چالان کے ساتھ میڈیکل رپورٹ طیبہ کے والدین کی ڈی این اے رپورٹ اور پولیس کی تحقیقاتی رپورٹ منسلک کی گئی ہے۔

یاد رہے کہ گزشتہ روزایڈیشنل ڈسٹرکٹ اینڈ سیشن کی عدالت نے ملزم راجا خرم اور ماہین ظفرکی عبوری ضمانت میں دس فروری تک توسیع کردی تھی۔

مزید پڑھیں: مقامی عدالت کا طیبہ اور اس کے والدین کو پیش کرنے کا حکم

عدالت نے آئندہ سماعت پر والدین اور طیبہ کو عدالت میں پیش کرنے کی ہدایت کر رکھی ہے۔

مزید پڑھیں : سپریم کورٹ نے طیبہ تشدد کیس اسلام آباد ہائیکورٹ بھجوادیا

 

Print Friendly, PDF & Email

Comments

comments

یہ بھی پڑھیں