جنوبی افریقا کی بیٹر تزمین برٹنز نے نیوزی لینڈ کے خلاف سنچری اسکور کرکے عالمی ریکارڈ بنا دیا۔
اندور میں کھیلے گئے میچ میں جنوبی افریقا ویمنز نے نیوزی لینڈ کی جانب سے دیا جانے والا 232 رنز کا ہدف باآسانی 40.5 اوورز میں 4 وکٹوں کے نقصان پر حاصل کرلیا۔
تیزمین برٹز نے 101 رنز کی میچ وننگ اننگز کھیلی، ان کی اننگ میں 15 چوکے اور ایک چھکا شامل تھا۔
کپتان لورا وولوارڈٹ 14 رنز بنا کر آؤٹ ہوئیں، سن لوس نے 83 رنز کی ناقابل شکست اننگز کھیلی، ماریزان 14 رنز بنا کر پویلین لوٹ گئیں۔
نیوزی لینڈ ویمنز کی جانب سے امیلیا کیر نے دو وکٹیں اور لی، جیسکر نے ایک، ایک وکٹ حاصل کی۔
یہ پڑھیں: ویمنز ورلڈ کپ: جنوبی افریقا نے نیوزی لینڈ کو 6 وکٹوں سے شکست دے دی
سنچری بنا کر جنوبی افریقا کی تزمین برٹز نے نیا ورلڈ ریکارڈ بھی قائم کر دیا۔ وہ ویمنز کرکٹ میں ایک کلینڈر ائیر میں سب سے زیادہ ون ڈے سنچریاں بنانے والی پلیئر بن گئیں۔
آئی سی سی ورلڈ کپ میں تزمین برٹز نے نیوزی لینڈ کے خلاف سال 2025 کی پانچویں ون ڈے سنچری اسکور کی جبکہ یہ ان کے ون ڈے کیریئر کی ساتویں سنچری تھی۔
اس سے قبل ون ڈے انٹرنیشنل میں ایک کلینڈر ائیر میں سب سے زیادہ سنچریوں کا ریکارڈ بھارت کی سمرتی مندھانا کے پاس تھا جنہوں نے 2024 اور پھر رواں سال 4 سنچریاں اسکور کیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں