The news is by your side.

Advertisement

ٹڈاپ کیس:سابق وزیراعظم گیلانی اور امین فہیم کی گرفتاری کا حکم جاری

کراچی: احتساب عدالت نے سابق وزیراعظم یوسف رضا گیلانی اور مخدوم امین فہیم کی گرفتاری کا حکم دے دیا۔

تفصیلات کے مطابق وفاقی احتساب عدالت نے ایف آئی کی جانب سے ٹریڈ اینڈ ڈیولپمنٹ اتھارٹی (ٹڈاپ)کیس میں پیش کردہ چالان کی روشنی میں حکم صادر کیا۔

وفاقی تحقیقاتی ایجنسی نے آج بروز جمعرات احتساب عدالت میں سابق وزیراعظم یوسف رضا گیلانی اور مخدوم امین فہیم کے خلاف چالان پیش کیا جس میں دونوں ملزمان پر کرپشن کے بارہ مقدمات شامل کئے گئے ہیں۔

ایف آئی اے کے مطابق ٹڈاپ کیس میں 50 کروڑ روپے کی کرپشن کی گئی ہے جس کے لئے کاغذی کمپنیوں کو ٹھیکے دئیے گئے ہیں۔

دونوں رہنماؤں کو 17 لاکھ روپے زرِ ضمانت کے عوض عارضی طوررہا کیا گیا تھا۔عدالت نے حکم دیا ہے کہ دونوں ملزمان  کو گرفتار کرکے 10 ستمبر کو عدالت کے روبرو پیش کیا جائے۔

مذکورہ کیس میں پیپلز پارٹی کے رہنماء اور سابق وزیراعظم یوسف رضا گیلانی اورمخدوم امین فہیم کے ہمراہ وزیراعظم سیکریٹریٹ کے سابق سیکرٹری محمد ذبیر، ٹڈاپ کے سابق ڈائریکٹر فرحان جونیجو، فیصل صدیق، مہر ہارون الرشید، میاں طارق، ظفر حسین، نعمان صدیق، سید محب اللہ شاہ کو شریک ملزم قرار دیا گیا تھا۔

Comments

comments

یہ بھی پڑھیں