ٹڈاپ کیس: مخدوم امین فہیم کے ایک بار پھر وارنٹ گرفتاری جاری -
The news is by your side.

Advertisement

ٹڈاپ کیس: مخدوم امین فہیم کے ایک بار پھر وارنٹ گرفتاری جاری

اسلام آباد: وفاقی اینٹی کرپشن عدالت نے میگا ٹڈاپ کرپشن کیس میں ملوث سابق وفاقی وزیر تجارت مخدوم امین فہیم کے دوبارہ وارنٹ گرفتاری جاری کردیے۔

تفصیلات کے مطابق وفاقی اینٹی کرپشن کے جج محمد عظیم نے ٹڈاپ سکینڈل کے مزید سات مقدمات کی سماعت کی، وفاقی اینٹی کرپشن عدالت کے جج ایم عظیم اعوان نے حکم دیا ہے کہ مخدوم امین فہیم کو بارہ اکتوبر تک عدالت کے سامنے پیش کیا جائے، عدالت نے سابق وزیرِاعظم یوسف رضا گیلانی کی حاضری سے استثنیٰ کی درخواست بھی منظور کرلی۔

گذشتہ سماعت پر اینٹی کرپشن کورٹ نے یوسف رضا گیلانی کی گیارہ مقدمات میں عبوری ضمانت منظور کی تھی، کیس کی سماعت پر پیپلزپارٹی کے دونوں رہنماؤں سمیت دیگر نو نامزد ملزم عدالت میں پیش نہیں ہوئے۔

عدالت میں پیش کردہ چالان میں یوسف رضا گیلانی اور مخدوم امین فہیم کو مرکزی ملزم نامزد کیا گیا ہے۔

Comments

comments

یہ بھی پڑھیں