site
stats
کھیل

دورۂ زمبابوے، قومی ٹیم آج ہرارے روانہ ہوگی

لاہور: قومی کرکٹ ٹیم دورہ زمبابوے کے لئے آج ہرارے روانہ ہوگی۔

پاکستان کرکٹ ٹیم کا دورہ زمبابوے دو ٹی ٹوئنٹی اور تین ون ڈے پر مشتمل ہوگا، زمبابوے کے خلاف سیریز کے لئے قومی کھلاڑیوں کا مختصر کیمپ لاہور میں لگایا گیا تھا، جس میں فیلڈنگ، بیٹنگ اور فٹنس پر خصوصی توجہ دی گئی۔

اظہر علی اور سرفراز احمد حج کی سعادت کے باعث ٹیم کے ہمراہ نہیں ہوں گے، وہ حج سے واپسی پر ٹیم کو ہرارے میں جوائن کریں گے۔

ٹی ٹوئنٹی ٹیم کی قیادت شاہد آفریدی کریں گے، ون ڈے کے کپتان اظہر علی ہوں گے، نوید اکرم چیمہ کی جگہ انتخاب عالم ٹیم مینجر کے فرائض انجام دیں گے، گرین شرٹس دورہ زمبابوے کا آغاز ستائیس ستمبر کو ہرارے میں پہلے ٹی ٹوئنٹی میچ سے کریں گے۔

دوسرا ٹی ٹوئنٹی انتیس ستمبر کو ہوگا، ون ڈے سیریز یکم اکتوبر سے شیڈول ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top