قومی کرکٹ ٹیم پاکستان کب پہنچے گی؟ شیڈول جاری

میلبرن : ٹی ٹوینٹی ورلڈ کپ کے فائنل میں شکست کے بعد پاکستان ٹیم نے وطن واپسی کی تیاریاں شروع کردیں، اس حوالے سے تفصیلات سامنے آگئیں۔

ذرائع کے مطابق قومی اسکواڈ14نومبر کی رات10بجے میلبرن سے بذریعہ دبئی پاکستان روانہ ہوگا، قومی اسکواڈ15اور16نومبر کی درمیانی شب پاکستان پہنچے گا۔

ذرائع کا کہنا ہے کہ منیجر منصور رانا، کپتان بابر اعظم، نسیم شاہ، فیلڈنگ اور بیٹنگ کوچ میلبرن سے لاہور پہنچیں گے جبکہ ہیڈ کوچ ثقلین مشتاق، شاداب،حارث رؤف، محمد نواز اور حیدر علی میلبرن سے راولپنڈی پہنچیں گے۔

اس کے علاوہ محمد رضوان، محمد وسیم جونیئر، افتخاراحمد اور خوشدل شاہ میلبرن سے پشاور پہنچیں گے, اسسٹنٹ باؤلنگ کوچ عمر رشید، شان مسعود اور فاسٹ بولر شاہنوازدھانی کراچی پہنچیں گے جبکہ قومی ٹیم کے باؤلنگ کوچ شان ٹیٹ دبئی سے برطانیہ روانہ ہوں گے۔

Comments