The news is by your side.

Advertisement

تیکنیکی خرابی : پی آئی اے کی دو پروازیں تاخیر کا شکار، مسافر ہوٹل منتقل

کراچی :  اسلام آباد سے پیرس جانے والی اور پیرس سے براستہ بارسلونا اسلام آباد آنے والی پی آئی اے کی دو پروازیں سولہ گھنٹے تاخیر کا شکار رہیں، مسافروں کو ہوٹل منتقل کردیا گیا۔

تفصیلات کے مطابق اسلام آباد سے پیرس جانے والی پی آئی اے کی پرواز16گھنٹے سے زائد تاخیر کا شکار رہی، بوئنگ777طیارے کے انجن میں خرابی کے باعث پرواز کی روانگی میں تاخیر ہوئی، پی آئی اے کے بو ئنگ 777 طیارے کے انجن میں ہو نے والی خرابی دور نہ ہو سکی۔

ترجمان پی آئی اے کے مطابق طیارے کے انجن میں خرابی کے باعث روانگی میں تاخیر ہوئی اب پرواز پی کے769کو پیر کی صبح7بجے پیرس کے لئےروانہ کیا جائے گا، تمام مسافروں کو ہوٹل منتقل کردیا گیا، ترجمان کے مطابق پرواز میں تاخیر پر پی آئی اے انتظامیہ مسافروں معذرت خواہ ہے۔

اس کے علاوہ پیرس سے براستہ بارسلونا اسلام آباد کی پرواز پی کے770بھی 16گھنٹے تاخیر کا شکار ہے اس حوالے سے ایئرپورٹ ذرائع کا کہنا ہے کہ طیارہ نہ ہونے سے پرواز کی روانگی میں تاخیر ہوئی۔

پیرس میں بھی مسافروں کو ہوٹل منتقل کرنا پڑا جس سے ادارے کو ہزاروں یورو کے اخراجات برداشت کر نا پڑے، پیرس سے اسلام آباد آنے والے مسافروں کو تاخیر کی وجوہات سے آگاہ کردیا گیا ہے۔

Comments

comments

یہ بھی پڑھیں