The news is by your side.

Advertisement

پی آئی اے کے آئی ٹی نظام میں فنی خرابی، دنیا بھر سے رابطے منقطع

کراچی : پی آئی اے کا آئی ٹی سسٹم بیٹھ گیا، جس کے بعد قومی ائیر لائن کےدنیابھرسے رابطے منقطع ہوگئے، خرابی کے باعث اندرون اور بیرون ملک جانے والی کئی پروازیں گھنٹوں تاخیر کا شکار ہوگئیں۔

تفصیلات کے مطابق پی آئی اے کے آئی ٹی نظام میں فنی خرابی کے باعث دنیا بھر سے رابطے منقطع ہوگئے ، پی آئی اے کا نظام رات 12بجے سے خراب ہے لیکن لاکھوں روپے تنخواہ لینے والا عملہ بارہ گھنٹے بعد بھی خرابی دور نہ کرسکا۔

فنی خرابی کے باعث پی آئی اے کا فلائٹ آپریشن بری طرح متاثر ہوا ہے، اندرون اور بیرون ملک جانے والی کئی پروازیں گھنٹوں تاخیر کا شکار ہوگئیں، کراچی سے لاہور جانیوالی پی آئی اے کی پرواز پی کے302تین گھنٹے ، ریاض سے کراچی آنیوالی پروازپی کے726چار گھنٹے سے زائد جبکہ لاہور سے دبئی جانیوالی پرواز پی کے203تین گھنٹے سے زائد تاخیر کا شکار ہیں۔

پروازوں کی منسوخی سے بھی مسافروں رل گئے ہیں، پروازوں کی روانگی میں تاخیر پر مسافروں نے ایئرپورٹ پر احتجاج کر رہے ہیں، بالخصوص بیرونِ ملک سفر کرنے والے مسافر موجودہ صورتحال میں پی آئی اے سےشدید نالاں نظرآتے ہیں۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں