The news is by your side.

Advertisement

ٹک ٹاک کا جنون: 15 سالہ لڑکی کی جان لے گیا

حیدرآباد : ٹک ٹاک ویڈیو سے مشہور ہونے کے چکر میں 15سالہ اپنی جان گنوا بیٹھی ، لڑکی ٹک ٹاک بناتے ہوئے گولی لگنے سے جاں بحق ہوئی۔

تفصیلات کے مطابق ٹک ٹاک ویڈیو کا جنون ایک اور جوان لڑکی کی جان لے گیا، حیدرآباد میں پھلیلی تھانے کی حدود ٹک ٹاک ویڈیو بناتے ہوئے اچانک گولی چلنے سے لڑکی جاں بحق ہوگئی۔

پولیس کا کہنا ہے کہ 15 سالہ لڑکی انعم سولنگی ٹک ٹاک ویڈیو ریکارڈ کرنے کے لیے پستول استعمال کر رہی تھی کہ مبینہ طور پر پستول کا ٹرگر غلطی سے دبایا گیا اور گولی انعم کے پیٹ میں لگی ، جس سے ان کی موت واقع ہوئی۔

پولیس کے مطابق 15سالہ انعم کی لاش کو پوسٹ مارٹم کیلئے سول اسپتال منتقل کردیا گیا ہے۔

یاد رہے رواں ماہ ایسے ہی ایک واقعے رپورٹ کیا گیا تھا ، جہاں لاہور کے سندر میں ٹک ٹاک ویڈیو بنانے کے دوران غلطی سے پستول چل جانے سے ایک سیکیورٹی گارڈ ہلاک ہوگیا تھا۔

خیال رہے کہ ملک میں ٹک ٹاک بناتے ہوئے نوجوان لڑکوں کی اموات میں اضافہ دیکھا جا رہا ہے۔ حالیہ دنوں بھی متعدد واقعات سامنے آ چکے ہیں

Comments

یہ بھی پڑھیں