لندن: برطانوی دارالحکومت لندن میں دو گروہوں کے درمیان فائرنگ کے نتیجے میں راہگیر لڑکی ہلاک اور ایک لڑکا زخمی ہوگیا۔
تفصیلات کے مطابق شمالی لندن میں رات دس بجے دو گروہوں کے درمیان فائرناگ کے نتیجے میں 17 سالہ لڑکی ہلاک ہوگئی جبکہ دوسرے واقعے ایک لڑکا زخمی ہوگیا۔
لندن پولیس کے مطابق ایمبولینس کے ذریعے لڑکی کو فوری طور پر طبی امداد کے لیے اسپتال منتقل کیا گیا تاہم وہ جانبر نہ ہوسکی۔
دوسرے واقعے میں 16 سالہ لڑکا زخمی ہوگیا جس کی حالت تشویشناک بتائی جاتی ہے جبکہ واقعے میں ملوث افراد کی گرفتاری عمل میں نہ آسکی، لندن پولیس نے علاقے کو گھیرے میں لے کر مذکورہ واقعات کی تحقیقات کا آغاز کردیا ہے۔
واضح رہے کہ لندن میں چاقو اور فائرنگ کے واقعے میں تیزی سے اضافہ ہوا ہے، فروری کے مہینے میں 15 افراد کو چاقو کے وار سے قتل کردیا گیا تھا۔
بین الاقوامی رپورٹس کے تحت نیویارک نے لندن کو جرائم کی شرح میں پیچھے چھوڑ دیا ہے، ماہ فروری میں نیویارک میں 14 افراد کو قتل کیا گیا تھا۔
رپورٹ کے مطابق لندن اور نیویارک کی آبادی 60 لاکھ ہے جبکہ لندن میں پولیس اہلکار کی تعداد 32 ہزار ہے اور پولیس کا سالانہ بجٹ 3 ارب پاؤنڈ کے لگ بھگ ہے۔
