The news is by your side.

Advertisement

یو ایس اوپن ویمنز فائنل، کینیڈا کی بیانکا نے سرینا ولیمز کو اپ سیٹ شکست دے دی

نیویارک: یوایس اوپن ویمنز فائنل میں 19 سالہ کینیڈا کی بیانکا نے سرینا ولیمز کو اپ سیٹ شکست دے دی۔

تفصیلات کے مطابق یو ایس اوپن ویمنز فائنل میں کینیڈا کی 19 سالہ بیانکا نے امریکا کی سرینا ولیمز کو اپ سیٹ شکست دے کر پہلا گرینڈ سلیم ٹائٹل اپنے نام کرلیا۔

بیانکا گرینڈ سلیم جیتنے والی پہلی کینیڈین بن گئیں، یوایس اوپن میں انیس سالہ بیانکا اینڈرسکیو نے سب کو حیران کردیا، نوجوان کھلاڑی نے سرینا کا ریکارڈ 24 گرینڈ سلیم جیت کا خواب چکنا چور کردیا۔

رپورٹ کے مابق فائنل شروع ہوا تو بیانکا نے پہلے سیٹ میں اپنے عزائم ظاہر کردئیے تھے، سرینا ولیمز نے گیم میں واپس آنے کی سرتوڑ کوشش کی لیکن کینیڈین کھلاڑی کی پھرتی کے آگے بے بس نظر آئیں۔

دوسرے سیٹ میں سخت مقابلے کے بعد کینیڈین اسٹار نے گرینڈ سلیم چیمپئن کو قابو کرلیا، نوجوان بیانکا نے سرینا کو 6-3 اور 7-5 سے شکست دی۔

بیانکا اینڈرسکیو بیس سال سے کم عمر میں گرینڈ سلیم جیتنے والی دوسری اور گرینڈ سلیم جیتنے والی پہلی کینیڈین کھلاڑی بن گئی ہیں۔

سرینا نے 2000 میں جب پہلا گرینڈ سلیم جیتا تھا تو بیانکا پیدا بھی نہیں ہوئی تھیں۔

انیس سالہ کینیڈین کھلاڑی بیانکا کی جیت پر کینیڈین وزیراعظم جسٹن ٹروڈو نے سماجی رابطے کی ویب سائٹ ٹویٹر پر مبارک باد پیش کی ہے۔

Comments

comments

یہ بھی پڑھیں