The news is by your side.

Advertisement

پنجاب ہمارے کے لیے اہم ہے، یہاں پی ٹی آئی حکومت بنائے گی: شاہ محمود

کراچی: پاکستان تحریک انصاف کے مرکزی رہنما شاہ محمود قریشی نے کہا ہے کہ پنجاب ہمارے لیے اہم ہے، یہاں نمبر پورے کر کے پی ٹی آئی حکومت بنائے گی۔

ان خیالات کا اظہار انہوں نے اے آر وائی نیوز کے پروگرام سوال یہ ہے میں انٹرویو دیتے ہوئے کیا، شاہ محمود قریشی کا کہنا تھا کہ پنجاب میں تگڑی اپوزیشن ہوگی، لہٰذا جو بھی فیصلہ ہو اہم ہوگا، پنجاب نے 2 بڑی پارٹیوں کو الٹ کر پی ٹی آئی پر اعتماد کیا۔

انہوں نے کہا کہ پنجاب میں ہمیں بہت مناسب نشستیں ملی ہیں، یہاں حکومت سازی کے لیے محنت کر رہے ہیں، بہت سے آزاد امیدوار نے تحریک انصاف میں شمولیت اختیار کی ہے۔

رہنما پی ٹی آئی کا کہنا تھا کہ تحریک انصاف کی مزید آزاد امیدواروں سے بھی بات چل رہی ہے، آزاد امیدواروں کی ن لیگ اور پیپلزپارٹی میں دلچسپی نہیں، پرویز الہٰی سے اچھے روابط ہیں، رابطے کرنے میں حرج نہیں، میں نائب کپتان ہوں، اہم فیصلے کپتان کرتا ہے۔

شاہ محمود قریشی کا مزید کہنا تھا کہ کپتان جو بھی فیصلہ کرے گا میں اسے قبول کروں گا، عمران خان کی خواہش ہوئی کہ میں ضمنی الیکشن لڑوں تو لڑوں گا۔

واضح رہے کہ پی ٹی آئی نے نیا پنجاب بنانے کا بھی فیصلہ کر لیا ہے، سب سے بڑے صوبے میں حکومت سازی کے لیے تحریک انصاف نے نمبر گیم پورا کرلیا۔

دریں اثنا وفاق میں حکومت سازی کے لیے بنی گالہ میں اجلاس ہوا جس میں پی ٹی آئی کے اہم رہنماؤں نے شرکت کی، سید فخر امام سمیت کئی آزاد ارکان نے کپتان کے ساتھ بیٹھک کی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں