The news is by your side.

Advertisement

کراچی میں آج بھی شدید گرمی کی لہربرقرار‘ پارہ 44 ڈگری تک جاسکتا ہے

کراچی : شہرقائد سمیت سندھ بھرمیں آج بھی موسم گرم اورخشک رہے گا جبکہ کراچی میں درجہ حرارت 44 ڈگری سینٹی گریڈ تک جا سکتا ہے۔

تفصیلات کے مطابق کراچی میں آج بھی درجہ حرارت 44 ڈگری سینٹی گریڈ تک جا سکتا ہے جبکہ سمندری ہوائیں بند ہونے کے باعث شہر میں گرمی کی شدت برقرار رہے گی۔

محکمہ موسمیات کے مطابق کراچی میں شمال مشرق سے 18 کلو میٹر فی گھنٹہ کی رفتار سے ہوائیں چل رہی ہیں جبکہ ہوا میں نمی کا تناسب 9 فیصد ہے۔

محکمہ موسمیات کا کہنا ہے کہ دوپہردو بجے تک شہر میں گرم اور خشک ہوائیں چلنے کا امکان ہے۔

محکمہ موسمیات کے مطابق شہر میں جاری ہیٹ ویو کی لہر بدھ تک برقرار رہی گی جس کے بعد درجہ حرارت میں کمی متوقع ہے۔

دوسری جانب طبی ماہرین نے شہریوں کو دھوپ میں باہر نکلنے سے گریز کرنے کا مشورہ دیتے ہوئے کہا کہ اگرباہرجانا بھی پڑے تو چھتری استعمال کریں اور سر پر گیلا کپڑا رکھیں۔

خیال رہے کہ محکمہ موسمیات کے مطابق گزشتہ روز بھی کراچی کا درجہ حرارت 44 ڈگری سینٹی گریڈ ریکارڈ کیا گیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں