نیویارک: امریکا میں ویزا فراڈ کے ایک سنگین مقدمے میں 10 بھارتی شہریوں پر فردِ جرم عائد کر دی گئی ہے۔
غیر ملکی ذرائع ابلاغ کے مطابق امریکی محکمہ انصاف (ڈی او جے) کے مطابق ملزمان پر الزام ہے کہ انہوں نے ویزا حاصل کرنے کے لیے جعلی مسلح ڈکیتیوں کی سازش تیار کی۔
حکام کے مطابق بوسٹن کی وفاقی گرینڈ جیوری نے 10 بھارتی شہریوں پر ویزا فراڈ کی سازش کا باضابطہ الزام عائد کیا۔
اس سے قبل مارچ میں ان افراد کے خلاف ابتدائی فوجداری شکایت درج کی گئی تھی۔
محکمہ انصاف کے بیان کے مطابق ملزمان نے مبینہ طور پر سہولت اسٹورز میں فرضی مسلح ڈکیتیوں کا منصوبہ بنایا، تاکہ وہاں کام کرنے والے افراد خود کو جرائم کا شکار ظاہر کر کے امیگریشن درخواستوں میں فائدہ حاصل کر سکیں۔
امریکی نائب صدر جے ڈی وینس کچھ دیر میں اسلام آباد پہنچیں گے
حکام کا کہنا ہے کہ اگر جرم ثابت ہو جاتا ہے تو ملزمان کو زیادہ سے زیادہ پانچ سال قید کی سزا ہو سکتی ہے، جبکہ سزا مکمل ہونے کے بعد انہیں ملک بدر بھی کیا جا سکتا ہے۔ مزید قانونی کارروائی جاری ہے اور مقدمے کے حتمی فیصلے کا انتظار کیا جا رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں