The news is by your side.

Advertisement

ایک لاکھ میٹرک ٹن چینی درآمد کیلئے ٹینڈر کی منظوری

اقتصادی رابطہ کمیٹی نے ایک لاکھ میٹرک ٹن چینی درآمد کیلئے ٹینڈر کی منظوری دیدی۔

تفصیلات کے مطابق وزیرخزانہ شوکت ترین کی زیرصدارت کابینہ کی اقتصادی رابطہ کمیٹی کا ‏اجلاس ہوا جس میں کپاس کی قیمت کےتعین کیلئے فوڈسیکیورٹی کو 15 روز میں رپورٹ پیش کرنے ‏کی ہدایت کی گئی جب کہ پٹرولیم، فنانس ،پی ایس او کو شپنگ کارپوریشن کے واجبات کی ‏ادائیگی کی ہدایت کی گئی۔ پاور، فنانس ڈویژن کو نیٹ ہائیڈل پر افٹ کی ادائیگی کیلئے 2 ہفتے ‏میں حل کرنے کا کہا گیا۔

ای سی سی نے یوٹیلٹی اسٹورز پر 5 اشیا پر سبسڈی کی مدت میں15دن کیلئےتوسیع کی منظوری ‏دی۔ ایوی ایشن ڈویژن کیلئے10 ملین تکنیکی سپلیمنٹری گرانٹ، این ایس ایس پی کیلئے73.87ملین ‏تکنیکی سپلیمنٹری گرانٹ اور پاکستان اکیڈمی رورل ڈویلپمنٹ کیلئے20.70لین تکنیکی سپلیمنٹری ‏گرانٹ منظور کی گئی۔

اجلاس میں افسران کیلئے ڈسپیریٹی رڈکشن الائونس کی مد میں ایک ارب روپے کی گرانٹ، بین ‏الصوبائی کوآرڈی نیشن کیلئے16.70 ملین کی تکنیکی سپلیمنٹری گرانٹ اور ایف سی بلوچستان ‏کیلئےایک ارب ایک کروڑکی تکنیکی سپلیمنٹری گرانٹ کی منظوری دی گئی۔

ایف بی آر کو ادائیگیوں کیلئے45.66کروڑ کی تکنیکی سپلیمنٹری گرانٹ اور خارجہ امور کیلئے2 ارب ‏روپےکی تکنیکی سپلیمنٹری گرانٹ منظوری دی گئی۔

Comments

یہ بھی پڑھیں