The news is by your side.

Advertisement

انضمام الحق کیلیے ٹنڈولکر بھی دعاگو

ماسٹر بلاسٹر سچن ٹنڈولکر نے لیجنڈری بیٹسمین انضمام الحق کے لیے نیک خواہشات کا اظہار کرتے ہوئے ان کی ‏جلد صحت یابی کی دعا کی ہے۔

ٹوئٹر پر پیغام شیئر کرتے ہوئے سچن ٹنڈولکر نے لکھا کہ میں آپ کی جلد صحت یابی کے لیے دعا گو ہوں، امید ‏ہے آپ جلد مکمل صحت یاب ہو جائیں گے۔

سچن ٹنڈولکر نے لکھا کہ آپ ہمیشہ سے تحمل کا مظاہرہ کرتے ہوئے میدان میں لڑتے تھے اسی طرح اس بیماری ‏میں بھی آپ لڑ کر صورتحال سے باہر آجائیں گے۔

دوسری جانب سوئنگ کے سلطان وسیم اکرم نے بھی انضمام الحق کے لیے نیک تمناؤں کا اظہار کرتے ہوئے کہا ہے ‏کہ دعا ہے کہ تم ٹھیک ھو کر جلد اپنے پیارے دل سے ہم سب کو اسی طرح خوش کرو گے جیسا تم ھمیشہ ‏کرتے ھو۔

سابق کپتان اور مایہ ناز بلے باز انضمام الحق کی طبیعت میں بہتری کے بعد انھیں نجی اسپتال سے ڈسچارج ‏کردیاگیاہے، ماہرامراض قلب پروفیسرزبیر اکرم کا کہنا ہے کہ انضمام الحق کوہدایات اورادویات تجویزکر دی ہیں۔

گذشتہ روز دل میں تکلیف کے باعث سابق کرکٹر انضمام الحق کو نجی اسپتال میں داخل کیا گیا جہاں ضروری ‏ٹیسٹوں کے بعد ماہرامراض دل پروفیسر زبیرا کرم نے انضمام الحق کی انجیوپلاسٹی کی۔

پروفیسرزبیراکرم کا کہنا تھا کہ شریان میں تنگی کےباعث ایک اسٹنٹ ڈالاگیا تھا۔

دوسری جانب سابق ٹیسٹ کرکٹرمشتاق احمد نے اپنے پیغام میں کہا ہے کہ انضمام الحق کا علاج بہترین ‏ہورہاہے،اللہ کے کرم سے وہ مکمل صحتیاب ہوکر گھر منتقل ہوگئے، انضمام الحق کے مداحوں اورعالمی کرکٹرز کی ‏دعاؤں پرشکرگزارہیں۔

خیال رہے کہ سابق کپتان پاکستان کرکٹ ٹیم انضمام الحق قومی کرکٹ ٹیم کے چیف سلیکٹر بھی رہ چکے ہیں، ‏سن 1992 کے ورلڈکپ میں سیمی فائنل کے ہیرو انضمام الحق نے 120 ٹیسٹوں میں پاکستان کی نمائندگی کرتے ‏ہوئے 8830 رنز بنارکھے ہیں، ان کا ٹیسٹ میں انفرادی اسکور 329 رنز ہےجبکہ وہ پاکستان کے لئے 25 ٹیسٹ ‏سینچریاں اور 46 نصف سینچریاں بناچکے ہیں۔

ایک روزہ میچز میں انضمام الحق نے پاکستان کی جانب سے 378 میچز کھیل کر 11739 رنز اسکور کئے، انہوں نے ‏‏10 سینچریاں اور 83 نصف سینچریاں بنارکھی ہیں۔

Comments

یہ بھی پڑھیں