site
stats
کھیل

ٹینس اسٹار ماریہ شراپووا کی شاندار واپسی، میچ چھ چار سے جیت لیا

اسٹٹ گارٹ : روسی ٹینس کوئن ماریہ شراپوا نے معطلی کے پندرہ ماہ بعد ٹینس کورٹ میں شاندار جیت کے ساتھ واپسی کی انہوں نے دوسرے راؤنڈ کیلئے کوالیفائی کرلیا۔

تفصیلات کے مطابق ڈوپ ٹیسٹ کی رپورٹ مثبت آنے کے بعد 15ماہ کی معطلی کی سزا کاٹنے والی روس کی ٹینس اسٹار ماریہ شراپووا نے واپس آتے ہی اپنے مداحوں کے چہروں پر مسکراہٹیں بکھیر دیں۔

اسٹٹ گارٹ میں گولڈن گرل ماریہ شراپووا نے فاتحانہ آغاز کردیا۔ شراپوا کا پہلے راؤنڈ میں اٹلی کی روبرٹا ونسی سے مقابلہ تھا۔ دونوں کھلاڑیوں نے عمدہ کھیل پیش کیا۔ پہلا سیٹ ماریہ شراپووا کے نام رہا۔

روسی اسٹار نے سخت مقابلے کے بعد سات پانچ سے کامیابی حاصل کی۔ دوسرے سیٹ میں ماریہ شراپووا نے چھ چار سے فتح سمیٹ کر میچ جیت لیا۔

اس طرح سابق عالمی نمبر ایک نے اٹالین کھلاڑی کو اسٹریٹ سیٹس میں شکست دیتے ہوئے دوسرے راؤنڈ میں جگہ بنائی۔

مزید پڑھیں : پابندی ختم : ٹینس اسٹارماریہ شراپووا کی ٹینس کورٹ میں واپسی

دوسری جانب کلے کورٹ کنگ اسپین کے رافیل نڈال کی بارسلونا اوپن ٹینس ٹورنامنٹ میں پیش قدمی جاری ہے۔ نڈال نے برازیلین کھلاڑی روزینو سلوا کو شکست دیتے ہوئے تیسرے راؤنڈ کیلئے کوالیفائی کرلیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top