The news is by your side.

Advertisement

امریکی باکسرٹیرنس کرافورڈ نے باکسرعامرخان کوفائٹ میں ہرا دیا

نیویارک: امریکی باکسر ٹیرنس کرافورڈ نے پاکستانی نژاد برطانوی باکسر عامر خان کو ویلٹر ویٹ ٹائٹل فائٹ میں شکست دے دی۔

تفصیلات کے مطابق نیویارک کے میڈنسن اسکوائر گارڈن میں ہونے والی فائٹ میں امریکی باکسر ٹیرنس کرافورڈ نے پاکستانی نژاد برطانوی باکسر عامر خان کو فائٹ میں ہرا دیا۔

امریکی باکسر فائٹ کے آغاز سے ہی باکسرعامر خان پر حاوی نظر آئے اور ایک موقع پر کرافورڈ نے انہیں زمین بوس کیا۔

عامرخان نے تیسرے راؤنڈ میں کم بیک کیا لیکن چھٹے راؤنڈ میں عامرخان کو غلط جگہ مکا لگا جس کے باعث وہ فائٹ جاری نہ رکھ سکے۔

امریکی باکسر ٹیسرنس کرافورڈ کو ٹیکنیکل ناک آؤٹ کی بنیاد پرفاتح قرار دیا گیا۔

فائٹ جیتنے کے بعد کرافورڈ نے آئی بی ایف کے ویلٹر ویٹ چیمپین ایرل اسپینس کو چیلنج کردیا اور کہا کہ اگر وہ لڑنا چاہتے ہیں تو میں تیار ہوں۔

پاکستانی نژاد برطانوی باکسرعامر نے فائٹ میں شکست کے بعد اپنے مداحوں سے معافی مانگتے ہوئے کہا کہ میں کبھی ہار نہیں مانتا، مگر غلط مکا لگنے کی وجہ سے فائٹ جاری نہ رکھ سکا۔

Comments

comments

یہ بھی پڑھیں