The news is by your side.

Advertisement

جہلم میں خوفناک حادثہ، کئی افراد جاں بحق

جہلم: صوبہ پنجاب کے ضلع جہلم میں ڈمپر اور مسافر وین کے درمیان ٹکر ہوئی ہے، حادثے میں آٹھ افراد جاں بحق جبکہ پانچ زخمی ہوگئے ہیں۔

ریسکیوذرائع کے مطابق واقعہ جہلم کے نواحی علاقے غریب وال میں پیش آیا، وین سیمنٹ فیکٹری کے قریب سے مسافروں کو لےکر نواحی گاؤں جارہی تھی کہ پہاڑی موڑ پر کراسنگ کے دوران بے قابو ڈمپر وین سےٹکرایا گئی۔

حادثے میں آٹھ افراد جاں بحق جبکہ پانچ زخمی ہوئے، واقعے کے بعد امدادی ٹیموں نے جائے حادثے پر پہنچ کر لاشوں اور زخمیوں کو اسپتال منتقل کیا، واقعے کے بعد ٹریفک کی روانی کو بحال کرنے کے لئے امدادی کارروائی جاری ہے۔دوسری جانب وفاقی وزیر برائے سائنس اینڈ ٹیکنالوجی فواد چوہدری نے غریب وال کے قریب حادثےمیں آٹھ افراد کی اموات پراظہار افسوس کرتے ہوئے کہا کہ اللہ تعالیٰ ٹریفک حادثےمیں جاں بحق افراد کو جوار رحمت میں جگہ عطا فرمائے۔

فوادچوہدری نے بتایا کہ حادثے میں جاں بحق ہونے والے مرد اور خواتین مزدور تھے، فیکٹری مالکان اور پنجاب حکومت متاثرہ خاندانوں کی مدد کریں۔

Comments

یہ بھی پڑھیں