بھارت میں آکسیجن ٹینکر لیک ہونے سے 22 افراد جان گنوا بیٹھے۔
بھارتی میڈیا کے مطابق واقعہ ریاست مہاراشٹر کے ناسک اسپتال کے باہر پیش آیا جہاں اسپتال کو سپلائی کے لیے بنایا گیا آکسیجن ٹینکر اچانک لیک ہو گیا۔
ٹینکر سے آکسیجن کے اخراج پر بھگدڑ مچ گئی اور لوگ گھبراہٹ کا شکار ہو کر محفوظ مقام کی تلاش میں بھاگنے لگے۔
اسپتال میں زیرعلاج 80 میں سے 31 مریضوں کو آکسیجن کی ضرورت تھی تاہم سپلائی معطل ہونے پر انہیں دوسرے اسپتال منتقل کر دیا گیا۔
حادثے کی وجہ وال لیک ہونے کو قرار دیا گیا ہے، اطلاع ملنے پر امدادی ٹیمیں موقع پر ہہنچیں مگر وہ اس ناگہانی صورتحال سے نمٹنے کے لیے تربیت یافتہ نہیں تھیں۔
#WATCH | An Oxygen tanker leaked while tankers were being filled at Dr Zakir Hussain Hospital in Nashik, Maharashtra. Officials are present at the spot, operation to contain the leak is underway. Details awaited. pic.twitter.com/zsxnJscmBp
— ANI (@ANI) April 21, 2021
وزیراعلیٰ نے واقعے پر دکھ اور افسوس کا اظہار کرتے ہوئے تحقیقات کا حکم دیا ہے اور ہدایت کی ہے کہ جلد از جلد ذمہ داروں کا تعین کرکے انہیں قرار واقعی سزا دی جائے۔
وزیراعلیٰ نے قیمتی جانوں کے نقصان پر رنج و غم کا اظہار کیا اور سوگوار خاندانوں کے لیے فی کس 5 لاکھ روپے امداد کا اعلان کیا۔