The news is by your side.

Advertisement

سعودی عرب : خوفناک حادثہ، کار کنکریٹ بلاک کے نیچے دب گئی

ریاض : سعودی عرب کے دارلحکومت ریاض کے کنگ عبداللہ روڈ پر ریاض میٹرو کے ایک پل سے کنکریٹ کا بلاک گاڑی پر گر گیا، گاڑی میں موجود خاتون ان کا بیٹا اور ملازمہ شدید زخمی ہوگئے۔

سعودی ذرائع ابلاغ کے مطابق متاثرہ خاتون کی بہن ترکیہ الاسمری نے بتایا کہ گاڑی المقصورہ ہال کے سامنے انڈر پاس سے گزر رہی تھی کہ اچانک ریاض میٹرو کے پل سے کنکریٹ کا ایک بلاک گاڑی پر آ گرا۔

حادثے کےبعد گاڑی رک گئی اور پوری فیملی کچھ دیر کے لیے گاڑی میں پھنس کر رہ گئی۔

ترکیہ الاسمری نے بتایا کہ ہلال احمر کی ٹیمیں فوری طور پر جائے وقوعہ پر پہنچیں اورمتاثرین کو ھسپتال منتقل کیا۔ ٹریفک کے شدید اژدہام کی وجہ سے ھسپتال پہنچنے میں تاخیر ہوئی، زخمیوں کی حالت نازک ہے۔

زخمی ہونے والی خاتون کے ہاتھ پر گہرا زخم آیا ہے جبکہ تشویشناک صورتحال کے پیش نظر بچے کو پرائیویٹ ہسپتال منتقل کیا گیا ہے۔

ملازمہ گاڑی کی عقبی نشست پر تھی اس کی بھی ہڈیاں ٹوٹی ہیں اور وہ ھسپتال میں زیرعلاج ہے۔ گاڑی پر کنکریٹ کا بلاک گرنے کی وڈیو سوشل میڈیا پر وائرل ہے۔ صارفین نے واقعہ پر شدید ردعمل کا اظہار کرتے ہوئے ذمہ دار افراد کے خلاف کارروائی کا مطالبہ کیا ہے۔

Comments

یہ بھی پڑھیں