ماسکو: روس کی بلند وبالا پہاڑ پر پیش آنے والے خطرناک حادثے نے دل دہلا دیے لیکن خوش قسمتی سے جھولا جھولنے والی خواتین کی زندگی بچ گئی۔
غیرملکی خبرساں ادارے کی رپورٹ کے مطابق روسی علاقے دیگستان کی پہاڑ کی چوٹی پر قائم جھولا اس وقت ٹوٹا کہ جب دو خواتین جھولا جھول رہی تھیں لیکن قسمت لڑکیوں پر مہربان رہی اور اس طرح وہ گہری کھائی میں گرنے سے بال بال بچ گئیں، ویڈیو دیکھ کر آپ کے رونگٹے کھڑے ہوجائیں گے۔
رپورٹ میں بتایا گیا ہے کہ اس پہاڑ کی بلندی تقریباً 6 ہزار فٹ ہے جہاں سیروتفریح کے غرض سے فیملی موجود تھی اس دوران دو خواتین نے جھولا جھولنے کا فیصلہ کیا۔
ایڈونچر سے بھرپور چوٹی پر قائم اس جھولے کی خاص بات یہ ہے کہ جھولا جھولنے کے دوران وہ ‘پینڈولم’ کی صورت ایک مرتبہ پہاڑ کی گہرائی جبکہ دوسری بار سطح کی طرف آتا ہے۔
اس حوالے سے وائرل ویڈیو میں دیکھا جاسکتا ہے کہ جھولے کی ایک تار ٹوٹنے کا حادثہ ایسے وقت پیش آیا کہ جب جھولے کی رفتار ہلکی اور وہ سطح کی طرف تھی اگر یہ بلندی پر ہوتی تو ممکنہ طور پر جان بھی جاسکتی تھی۔ دونوں خواتین پہاڑ کی چھوٹی کے پاس ہی ایک حصار پر گریں جہاں سے انہیں اٹھایا لیا گیا۔
متعلقہ ادارے نے واقعے سے متعلق تحقیقات کا آغاز کردیا جبکہ وہاں موجودہ دیگر جھولوں کا بھی جائزہ لیا جارہا ہے، پہاڑوں پر قائم اس طرح کے جھولوں کو ممکنہ طور پر ختم کیا جاسکتا ہے۔
