The news is by your side.

Advertisement

پاکستان آرڈیننس فیکٹری میں دہشت گردی کا خطرہ، وزیر داخلہ برہم

اسلام آباد: وزیر داخلہ چوہدری نثار نے پاکستان آرڈیننس فیکٹری سے متعلق الرٹ پر سیکیورٹی ایجنسیز کی کارکردگی پر سوالات اٹھا دیے۔ دہشت گردی خطرات کے خدشات کے باوجود یوم مزدور کی تقریب میں شرکت کا فیصلہ کرلیا۔

تفصیلات کے مطابق انٹیلی جنس اداروں نے رپورٹ جاری کی کہ پاکستان آرڈیننس فیکٹری میں دہشت گردی کا خطرہ ہے۔ وزیر داخلہ خدشات کے سبب یوم مزدور کی تقریب میں شرکت سے گریز کریں۔

انٹیلی جنس اداروں کی رپورٹ پر چوہدری نثار برہم ہوگئے۔ سیکیورٹی ایجنسیز کی کارکردگی پر خود وزیر داخلہ چوہدری نثار نے سخت تشویش کا اظہار کردیا۔

انہوں نے کہا کہ سیکیورٹی ایجنسیوں کا آرڈیننس فیکٹری کو محفوظ نہ رکھنا سوالیہ نشان ہے۔

ان کا کہنا تھا کہ اگر فیکٹری کا مزدور محفوظ نہیں تو ہمیں بھی اپنے تحفظ کی فکر نہیں۔

تھریٹ الرٹ کے باجود چوہدری نثار نے 2 وفاقی وزرا کے ہمراہ یوم مزدور تقریب میں شرکت کا فیصلہ کرلیا۔ چوہدری نثار نے کہا کہ سالہا سال سے تقریب ہو رہی ہے۔ آج بھی پروگرام کے مطابق تقریب ہوگی۔

یاد رہے کہ پاکستان آرڈیننس فیکٹری وفاقی دار الحکومت سے صرف 45 کلو میٹر دور واہ میں قائم ہے۔ آرڈیننس فیکٹری ملک میں روایتی اسلحے اور گولہ بارود کا سب سے بڑا پیداواری ادارہ ہے۔

Print Friendly, PDF & Email

Comments

comments

یہ بھی پڑھیں