کوئٹہ میں دہشت گردی کا بڑا منصوبہ ناکام -
The news is by your side.

Advertisement

کوئٹہ میں دہشت گردی کا بڑا منصوبہ ناکام

کوئٹہ: بلوچستان میں دہشت گردی کی بڑی کارروائی ناکام بنا دی گئی۔ ایف سی کی پیٹرولنگ ٹیم نے 12 کلو گرام دھماکہ خیز مواد تلاش کر کے ناکارہ بنا دیا۔

تفصیلات کے مطابق فوج کے شعبہ برائے تعلقات عامہ آئی ایس پی آر کا کہنا ہے کہ فرنٹیئر کورپس (ایف سی) بلوچستان کی پیٹرولنگ ٹیم نے 12 کلو گرام دھماکہ خیز مواد تلاش کر کے ناکارہ بنا دیا۔

آئی ایس پی آر کے مطابق دھماکہ خیز مواد کوئٹہ ڈویلپمنٹ اتھارٹی کے قریب نصب تھا۔ دھماکہ خیز مواد بڑی تباہی مچا سکتا تھا۔

یاد رہے کہ گزشتہ روز ہی کوئٹہ میں زرغون روڈ پر واقع چرچ میں خودکش دھماکہ اور فائرنگ کی گئی جس کے نتیجے میں 9 افراد جاں بحق جبکہ 35 افراد زخمی ہوگئے تھے۔

وزیر داخلہ بلوچستان کے مطابق زرغون روڈ پر واقع گرجا گھر پر 2 دہشت گردوں نے حملہ کیا تھا، ایک دہشت گرد کو پولیس نے مرکزی دروازے پر ہلاک کردیا جبکہ دوسرے دہشت گرد نے چرچ کے احاطے میں خود کو دھماکے سے اڑا دیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں