ہالینڈ میں دہشت گردی گردی کا بڑا منصوبہ ناکام، 7 دہشت گرد گرفتار holland
The news is by your side.

Advertisement

ہالینڈ میں دہشت گردی کا بڑا منصوبہ ناکام، 7 دہشت گرد گرفتار

ایمسٹرڈم : ڈچ پولیس نے ہالینڈ میں دہشت گردی کی منصوبہ بندی ناکام بناتے ہوئے سات دہشت گردوں کو گرفتار کرکے تحقیقات کے لیے جیل عقوبت خانے میں منتقل کردیا ہے۔

تفصیلات کے مطابق یورپی ملک ہالینڈ کے دارالحکومت ایمسٹردم کی پولیس نے خفیہ اطلاعات پر کارروائی کرتے ہوئے دہشت گردی کے بڑے منصوبے کو ناکام بناتے ہوئے 7 دہشت گردوں کو گرفتار کرلیا ہے۔

غیر ملکی خبر رساں ادارے کا کہنا تھا کہ پولیس نے سرچ آپریشن کے دوران مذکورہ دہشت گردوں کے قبضے سے خطرناک مشین گنیں، خودکش جیکٹیں اور کار بم کی چیزیں برآمد ہوئی ہیں۔

غیر ملکی میڈیا کا کہنا تھا کہ مذکورہ 7 مشتبہ دہشت گرد ہالینڈ کے دارلحکومت اور ملک کے دیگر میں خودکش جیکٹوں اور مشین گنوں سمیت کار بم حملے کرنے کی منصوبہ بندی کررہے تھے۔

یورپی نیوز ایجنسیوں کا کہنا تھا کہ حکام کی جانب سے حراست میں لیے گئے ساتوں دہشت گردوں سے متعلق مزید تفصیلات فراہم نہیں کیں کہ ان کا ہدف کون سے مقامات تھے۔


مزید پڑھیں : نیدرلینڈز: ریلوے اسٹیشن پر چاقو سے حملہ، تین افراد زخمی


یاد رہے کہ رواں ماہ کے آغاز میں نیدرلینڈز کے دارالحکومت ایمسٹرڈیم میں قائم مصرف ترین ریلوے اسٹیشن پر مشتبہ شخص نے حملہ کردیا تھا جس کے نتیجے میں تین افراد شدید زخمی ہوئے بعد ازاں پولیس نے بھرپور کارروائی کی تھی۔

غیر ملکی خبر رساں ادارے کے مطابق ڈچ پولیس نے پہلے فائرنگ کرکے حملہ آور کو زخمی کیا اور پھر موقع پر ہی گرفتار بھی کرلیا تھا، واقعے کے بعد حملہ آور اور دیگر تین زخمیوں کو علاج کے لیے اسپتال منتقل کردیا گیا تھا۔

پولیس کا کہنا تھا کہ واقعہ دوپہر میں پیش آیا اس دوران ہزاروں افراد ریلوے اسٹیشن پر موجود تھے، جبکہ پولیس نے دیگر قانونی کارروائی کے لیے ریلوے اسٹیشن کو خالی بھی کرایا تھا۔

Comments

comments

یہ بھی پڑھیں