The news is by your side.

Advertisement

باجوڑایجنسی میں دہشت گردی کا منصوبہ ناکام بنادیا گیا، آئی ایس پی آر

راولپنڈی : ملک بھر میں قانون نافذ کرنے والے اداروں کا دہشت گردوں کے خلاف آپریشن ردالفساد جاری ہے ، آئی ایس پی آر کے مطابق باجوڑ ایجنسی میں دہشت گردی کا منصوبہ ناکام بنا دیا گیا۔

تفصیلات کے مطابق ملک بھر میں آپریشن ردالفساد کے تحت دہشت گردوں ، سہولت کاروں اور فسادیوں کے گرد گھیرا تنگ کیا جارہا ہے، باجوڑایجنسی میں دہشت گردی کامنصوبہ ناکام بنادیا گیا۔

آئی ایس پی آر کے مطابق تحصیل ماموند سے بڑی تعداد میں اسلحے کا ذخیرہ پکڑا گیا، بھاری تعداد میں گولہ بارود، آر پی جی اور ایس ایم جی جبکہ پکڑے گئے اسلحے میں مکمل تیار خودکش جیکٹس، ریموٹ کنٹرول بم، دستی بم ،بال بیئرنگ کے گیارہ باکس اورمواصلاتی آلات بھی شامل ہیں۔

دوسری جانب سی ٹی ڈی نے لاہور والٹن روڈ سے کالعدم دہشت گرد تنظیم کے دو کارندے گرفتار کرلیے، علی نور اور سرتاج خان آئندہ ہفتے سیکیورٹی اداروں پر حملے کی پلاننگ کر رہے تھے۔

لاہور کے علاقے بند روڈ سے حساس اداروں نے مبینہ دہشتگرد پکڑلیا، تعلق کالعدم تحریک طالبان سے بتایا گیا ہے، مبینہ دہشتگرد سے لاہور دھماکے کی پوچھ گچھ کی جارہی ہے۔

کراچی کے علاقے لیاری سےکالعدم تنظیم کے دو دہشت گردپکڑے گئے، ملزم عمران اور عبداللہ سے اسلحہ اور دستی بم برآمد ہوئے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں