دہشت گرد اندرونِ سندھ فرار ہورہے ہیں، مشیراطلاعات سندھ -
The news is by your side.

Advertisement

دہشت گرد اندرونِ سندھ فرار ہورہے ہیں، مشیراطلاعات سندھ

کراچی: مشیراطلاعات سندھ مولا بخش چانڈیونے کہا ہے کہ کراچی آپریشن کامیابی سے جاری ہے دہشت گرد شہرچھوڑکراندرون سندھ فرار ہورہے ہیں۔

مشیر اطلاعات سندھ کا کہنا ہے کہ ملٹری پولیس پرحملہ کرنے والے دہشت گردوں کی گرفتاری میں وقت نہیں لگے گا۔

انہوں نے یہ بھی کہا کہ عدالتی عمل کو بہتر بنایا جائے گا، 200 نئے پراسیکیوٹررکھے جائیں گے اورانسدادِ دہشت گردی کی 30 نئی عدالتیں قائم کی جائیں گی۔

میشراطلاعات کا کہنا تھا کہ پولیس، رینجرزاوردیگراداروں کے درمیان مزید تعاون بڑھانے کا فیصلہ کیا گیا ہے۔

ان کا یہ بھی کہنا تھا کہ پولیس کے نظام بہتربنانے کے لئے مزید آٹھ ہزار پولیس اہلکار بھرتی کئے جارہے ہیں اور سی سی ٹی وی کیمروں کی کارکردگی کو مزید بہتربنایا جائےگا۔

چہلم امام حسینؓ سے متعلق سیکیورٹی کے حوالے ان کا کہنا تھا کہ انتظامات اطمینان بخش ہیں۔

انہوں کراچی آپریشن کے حوالےسے تبصرہ کرتے ہوئے کہا کہ دہشت گردوں کے خلاف کاروائی کامیابی کے ساتھ جاری ہے اوراب دہشت گرد اندرونِ سندھ فرار ہورہے ہیں۔

Comments

comments

یہ بھی پڑھیں