The news is by your side.

Advertisement

لاہور میں امام بارگاہ کی ریکی کرنیوالا دہشت گرد پشاور سے گرفتار

لاہور : لاہور پولیس کی جانب سے جاری کردہ خاکے کا مبینہ دہشت گرد پشاور سے گرفتار کرلیا گیا ہے، پولیس نے مبینہ دہشت گرد فیضان کا خاکہ جاری کیا تھا۔

تفصیلات کے مطابق دہشت گردی کے خلاف قانون نافذ کرنیوالے ادارے سرگرم ہوگئے، سی سی پی او لاہور نے دعویٰ کیا ہے کہ مغل پورہ کی امام بارگاہ کی ریکی کرنیوالا مبینہ دہشت گرد پشاور سے دھر لیا گیا۔

لاہور پولیس نے جمعہ کی صبح مبینہ دہشت گرد فیضان کا خاکہ جاری کیا تھا، جس کا پتلا جسم، درمیانہ قد اور بھوری آنکھیں ہیں۔

مبینہ دہشت گرد فیضان کا خاکہ شہر کےداخلی اور خارجی راستوں پر تعینات پولیس اہلکاروں کو دیا گیاتھا۔

مشتبہ شخص کی سی سی ٹی وی فوٹیج اے آر وائی نیوز نے حاصل کرلی تھی، جو دو محرم کو مغل پورہ میں مرکزی امام بارگاہ ابو الفضل عباس میں ریکی کررہا تھا۔

Print Friendly, PDF & Email

Comments

comments

یہ بھی پڑھیں