نیو یارک : پولیس نے جمعرات کو اقوام متحدہ کے ہیڈ کوارٹر کے باہر ایک مسلح شخص کو گرفتار کرلیا، جس کی دہشت کے باعث کئی گھنٹوں تک علاقے کا محاصرہ جاری رہا۔
خبر رساں ادارے روئٹرز کے مطابق لائیو ویڈیو میں مسلح شخص کی وجہ سے مین ہٹن کے مشرقی علاقے میں واقع عمارت کے چاروں طرف پولیس کی بھاری نفری دیکھنے میں آئی۔
نیویارک پولیس ڈیپارٹمنٹ کے ترجمان نے بتایا کہ پولیس اس شخص کے ساتھ بات چیت کرنے کی کوشش کرتی رہی، جو بظاہر 60 سال کے قریب کا تھا اور اس کے پاس شاٹ گن موجود تھی۔
Man with a gun outside UN Headquarters today pic.twitter.com/vcaRLrOZuE
— Anna Leonti (@anleonti) December 2, 2021
غیر ملکی خبررساں ادارے کی رپورٹ کے مطابق مسلح شخص کے پاس سے ایک بیگ اور دستاویزات بھی برآمد ہوئیں۔ پولیس حکام نے بیان میں کہا ہے کہ مشکوک مسلح شخص کی اطلاع پرپولیس نے اقوام متحدہ کی عمارت اورقریبی گلیوں کا محاصرہ کیا جو تین گھنٹے جاری رہا۔
مسلح شخص اقوام متحدہ کے مرکزی دروازے پرموجود تھا۔ مسلح شخص نے پولیس کودیکھ کر پستول اپنی ٹھوڑی کے نیچے رکھ لی تاہم گولی نہیں چلائی۔ پولیس کا مزید کہنا تھا کہ مسلح شخص نے ابتدائی تحقیقات میں کہا کہ وہ کچھ دستاویزات اقوام متحدہ کے دفترمیں دینا چاہتا تھا۔