The news is by your side.

Advertisement

پاک ایران بارڈر پر دہشتگردوں کا حملہ، سپاہی شہید

پاک ایران بارڈ پر دہشتگردوں کے فورسز کے حملے میں سپاہی شہید ہو گیا۔

آئی ایس پی آر کے مطابق پاک ایران بارڈر پر پنجگور کےعلاقے میں دہشتگردوں نے فورسز پر حملہ کیا دہشتگردوں ‏نےسیکیورٹی فورسزکی پٹرولنگ ٹیم کونشانہ بنایا گیا۔

فائرنگ کے تبادلےمیں ڈی آئی خان کا رہائشی سپاہی جلیل خان شہید ہو گیا۔

آئی ایس پی آر کا کہنا ہے کہ سیکیورٹی فورسز ملک دشمن عناصر کو شکست دینےکیلئے پرعزم ہے سیکیورٹی ‏فورسز بلوچستان میں امن و ترقی کاسفرمتاثرنہیں ہونے دیں گی۔

گزشتہ دنوں آرمی چیف جنرل قمر جاوید باجوہ سے ایرانی چیف آف جنرل اسٹاف نے ملاقات کی ہے جس میں ‏علاقائی امن ‏کے فروغ اور انسداددہشت گردی کیلئے مل کر کوششیں کرنے پر اتفاق کیا گیا ہے۔

ایرانی چیف آف جنرل اسٹاف نے فوجی رابطوں کوفروغ دینےکی خواہش کا اظہار کرتے ہوئے علاقائی امن ‏کے ‏فروغ، انسداددہشت گردی کیلئےمل کرکوششیں کرنےپراتفاق کیا۔

ایرانی چیف نے کہا کہ انسداددہشت گردی اور تربیتی امور میں بھی تعاون ناگزیر ہے جب کہ آرمی چیف جنرل ‏‏باجوہ نے کہا کہ پاکستان اورایران کاقریبی تعاون خطےمیں امن واستحکام کیلئےاہم ہے۔

ایرانی وفد کو علاقائی سیکیورٹی اور آپریشنل امور پر بریفنگ دی گئی اور ساتھ ہی ایرانی وفد کو پاک فوج تربیتی ‏‏امور اور دوست ممالک کیساتھ تعاون پر آگاہ کیاگیا۔

Comments

یہ بھی پڑھیں