The news is by your side.

Advertisement

شمالی وزیرستان میں دہشتگردی کی کوشش ناکام، خودکش حملہ آور مارا گیا

شمالی وزیرستان ڈوسالی میں خودکش حملہ آورنے ملٹری پوسٹ میں داخلےکی کوشش کی، سیکیورٹی اہلکاروں کی جوابی کارروائی میں مارا گیا۔

آئی ایس پی آر کے مطابق شمالی وزیرستان ڈوسالی میں خودکش حملہ آور نے ملٹری پوسٹ میں داخلےکی کوشش کی لیکن سیکیورٹی اہلکاروں کی جوابی کارروائی میں خودکش حملہ آور مارا گیا۔

آئی ایس پی آر کے جاری بیان کے مطابق خودکش حملہ آور نے ملٹری پوسٹ میں داخل ہونے کے لیے اہلکاروں پر چھوٹے ہتھیاروں سے فائرنگ کی اور ہینڈ گرینیڈ حملے کی بھی کوشش کی۔

فوجی جوانوں نے فوری جوابی کارروائی کرتے ہوئے حملہ آور کو نشانہ بنایا جس کے نتیجے میں وہ مارا گیا۔

آئی ایس پی آر کے مطابق خودکش حملہ آور دہشتگرد کی شناخت شریف کے نام سے ہوئی ہے جو سیکیورٹی فورسز پر حملوں میں ملوث تھا اور اس کے قبضے سے ہتھیار اور گولیاں برآمد کی گئی ہیں۔

مقامی افراد نے سیکیورٹی فورسزکی فوری جوابی کارروائی کوسراہا ہے اور دہشت گردی کےخاتمےکیلیےفورسزکی حمایت جاری رکھنےکے عزم کا اظہار کیا ہے۔

Comments

یہ بھی پڑھیں