The news is by your side.

Advertisement

سانحہ تربت میں ملوث یونس توکلی ایف سی سے مقابلے میں ہلاک

راولپنڈی: بلوچستان میں سیکیورٹی فورسز کی بڑی کامیابی میں سانحہ تربت میں ملوث دہشت گرد مارا گیا۔

پاک فوج کے شعبہ تعلقات عامہ آئی ایس پی آر کا کہناہے کہ ایف سی نے تربت میں خفیہ اطلاع پر کارروائی کی۔

فورسز نے گاؤں عبد الرحمٰن میں دہشت گردوں کے ٹھکانے کا گھیراؤ کیا تو دہشت گردوں نے فورسزپر فائرنگ کردی۔ جوابی کارروائی میں مطلوب دہشت گرد یونس توکلی مارا گیا۔ یونس توکلی کالعدم تنظیم کے 8 ٹاپ کمانڈرز میں سے ایک تھا۔

آئی ایس پی آر کے مطابق یونس توکلی کالعدم تنظیم کا کمانڈر اور سانحہ تربت کا اہم ملزم تھا۔

یاد رہے کہ 2 روز قبل بلوچستان کے ضلع کیچ کے شہر تربت کے علاقے گروک سے 15 گولیوں سے چھلنی لاشیں ملی تھیں۔ ڈپٹی کمشنر کیچ کا کہنا تھا کہ تمام افراد کو فائرنگ کر کے قتل کیا گیا ہے۔

مقتول افراد کا تعلق پنجاب کے مختلف علاقوں سے تھا اور یہ گوجرانوالہ، گجرات، سیالکوٹ، وزیر آباد، منڈی بہاؤ الدین کے رہائشی تھے۔ مقتولین ایران کے راستے یورپ جانے کے لیے نکلے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں