بدھ, فروری 19, 2025
اشتہار

جنوبی وزیرستان میں فورسز سے جھڑپ میں دہشتگرد ہلاک

اشتہار

حیرت انگیز

راولپنڈی: جنوبی وزیرستان میں سکیورٹی فورسز اور دہشتگردوں کے درمیان جھڑپ میں شر پسند مارا گیا جس کے قبضے سے اسلحہ اور گولیاں برآمد کی گئیں۔

فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے لدھا میں سکیورٹی فورسز اور دہشتگردوں کے درمیان فائرنگ کا شدید تبادلہ ہوا۔ جوانوں کی مؤثر جوابی کارروائی میں ایک دہشتگرد ہلاک ہوگیا۔

آئی ایس پی آر کے مطابق ہلاک دہشتگرد سے ہتھیار اور گولیاں برآمد کی گئیں، شر پسند مختلف دہشتگرد کارروائیوں میں ملوث تھا، علاقے میں ممکنہ دہشتگردوں کی تلاش اور خاتمے کیلیے آپریشن جاری ہے۔

گزشتہ روز جنوبی وزیرستان کے علاقے آسمان منزہ میں سکیورٹی فورسز اور دہشتگردوں کے درمیان جھڑپ میں چار دہشتگرد مارے گئے تھے جبکہ بہادری سے مقابلہ کرتے ہوئے چھ جوانوں نے جام شہادت نوش کیا تھا۔

اس سے قبل بھی سکیورٹی فورسز نے جنوبی وزیرستان اور خیبر میں کامیاب کارروائیاں کرتے ہوئے تین دہشتگردوں کو ہلاک کیا تھا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں