The news is by your side.

Advertisement

کراچی میں رینجرز، سی ٹی ڈی کی کارروائیاں‘ 16 دہشت گرد گرفتار

کراچی : شہرقائد کے مختلف علاقوں میں رینجرز اور سی ٹی ڈی نے کارروائیوں کے دوران 16 دہشت گردوں کو گرفتار کرلیا۔

تفصیلات کے مطابق کراچی میں رینجرز اور سی ٹی ڈی نے سہراب گوٹھ، گنا منڈی، مومن آباد میں کارروائیاں کرتے ہوئے 16 دہشت گردوں کو گرفتار کرکے اسلحہ برآمد کرلیا۔

ترجمان رینجرز کا کہنا ہے کہ گرفتار دہشت گردوں کے ٹھکانوں سے بلاک بم، دستی بم، اسلحہ ودیگرسامان برآمد ہوا ہے۔


بلدیہ ٹاؤن میں رینجرزاورسی ٹی ڈی کا دہشتگردوں سے مقابلہ، تین ہلاک


خیال رہے کہ تین روز قبل کراچی کے علاقے بلدیہ ٹاؤن میں سی ٹی ڈی اور رینجرز نے سرچ آپریشن کے دوران مقابلے میں تین دہشت گردوں کو ہلاک کردیا تھا جبکہ فائرنگ کے تبادلے میں ایک سی ٹی ڈی اور دو رینجرز اہلکار زخمی ہوگئے تھے۔

ہلاک ہونے والے دہشت گردوں کی شںاخت مولوی عبدالکریم سواتی عرف مفتی، یوسف عرف شہزاد عرف نعمان برمی اور محمد احمد عرف مولوی عبداللہ برمی کے نام سے ہوئی، ہلاک شدگان کا تعلق کالعدم ٹی ٹی پی استاد اسلم گروپ سے تھا۔


کراچی میں رینجرز کی کارروائی، کالعدم تنظیموں کے 13 ملزمان گرفتار


یاد رہے کہ گزشتہ ماہ 13 دسمبر کو کراچی میں رینجرز نے مختلف علاقوں میں کارروائیاں کرتے ہوئے 13 ملزمان کو گرفتارکیا تھا، ملزمان کا تعلق مختلف کالعدم تنظیموں سے ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

Print Friendly, PDF & Email

Comments

comments

یہ بھی پڑھیں