دہشت گردی کا خطرہ، سندھ ہائی کورٹ اور عدالتوں کی سیکیورٹی سخت
The news is by your side.

Advertisement

دہشت گردی کا خطرہ، سندھ ہائی کورٹ اور عدالتوں کی سیکیورٹی سخت

کراچی: دہشت گردوں کے ممکنہ حملوں کے پیش نظر سندھ ہائی کورٹ اور مقامی عدالتوں کی سیکیورٹی بڑھا دی گئی ہے۔

تفصیلات کے مطابق ملک بھر میں اٹھنے والی دہشت گردی کی حالیہ لہر کے بعد حساس اداروں نے الرٹ جاری کیا جس کے پیش نظر حکومت نے سندھ ہائی کورٹ اور مقامی عدالتوں کی سیکیورٹی بڑھا دی۔

قانون نافذ کرنے والے اداروں نے سیکیورٹی کے خصوصی انتظامات کرنے کے لیے بارکونسل کے ذمہ داران سے بھی رابطہ کیا جبکہ ججوں کی رہائش گاہ اور روٹس پر بھی سیکیورٹی میں اضافہ کردیا گیا ہے۔

پڑھیں: ’’ پشاور میں خود کش حملہ‘ 1شہید‘ 4 زخمی ‘‘

یاد رہے رواں ہفتے پنجاب اسمبلی کے باہر احتجاجی دھرنے میں خودکش دھماکے کے نتیجے میں 13 لوگ جاں بحق جبکہ سینکڑوں زخمی ہوئے تھے تاہم آج ایک اور شخص زخموں کی تاب نہ لاتے ہوئے دم توڑ گیا جس کے بعد تعداد 14 تک ہوگئی۔

مزید پڑھیں: ’’ لاہور دھماکا: دہشت گرد کا سہولت کار گرفتار، جے آئی ٹی تشکیل ‘‘

کچھ دیر قبل پشاور کے علاقے حیات آباد میں بھی خود کش دھماکا ہوا جس کے نتیجے میں ایک شخص جاں بحق جبکہ چار زخمی ہوئے، ایس ایس پی سجاد خان کے مطابق موٹرسائیکل سوار نے دھماکے سے بھری موٹرسائیکل بس سے ٹکرائی۔ متاثرہ گاڑی کی تمام تر تفصیلات جمع کرلی ہیں۔

Comments

comments

یہ بھی پڑھیں