site
stats
سائنس اور ٹیکنالوجی

امریکا میں ٹیسلا کار نے اپنے مالک کی جان بچائی

میسوری: امریکا میں خودکار ٹیکنالوجی کی مدد سے چلنے والی ٹیسلا کار نے اپنے مالک کی طبعیت خراب ہونے پربحفاظت اسپتال پہنچا دیا.

تفصیلات کے مطابق امریکی ریاست میسوری کے شہر اسپرنگ فیلڈ میں جوشوا نیلے اپنی ٹیسلا کار کے ماڈل ایکس میں دفتر سے گھر جا رہے تھے کہ اچانک راستے میں ان کی طبیعت خراب ہوگئی.

ایمبولینس کو بلانے کی بجائے 37 سالہ جوشوا نے کار کے خود چلنے کے فیچر (سیلف ڈرائیونگ) استعمال کرنے اور خودکار ٹیکنالوجی کی مدد سے اسپتال پہنچنے کا فیصلہ کیا.

بیس میل کے فاصلے پر واقع اسپتال تک کار نے جوشوا کو بحفاظت پہنچایا جہاں وہ خود کار پارک کر کے اندر چل کر گئے.

ڈاکٹرز کے مطابق جوشوا کے پھیپھڑوں کی شریان میں رکاوٹ آگئی تھی اور اگر وہ بروقت اسپتال نہ پہنچتے تو ان کی موت بھی واقع ہوسکتی تھی.

واضح رہے کہ گزشتہ ماہ امریکی ریاست مونٹانا میں ٹیسلا کار کے ماڈل ایکس کو حادثہ پیش آیا،تاہم کار میں موجود شخص اس میں محفوظ رہا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top